सनी देओलच्या 'गदर 2' ने बॉक्स ऑफिसवर चांगली कमाई केली. अजुनही गदर 2 बॉक्स ऑफीसवर तुफान कमाई करत आहे. गदर 2 निमित्ताने सनी देओलला सध्या अस्मान ठेंगणे झालेय. अशातच गदर 2 वादाच्या भोवऱ्यात सापडला आहे.
गदर चे संगीतकार उत्तम सिंग यांनी सिनेमाच्या मेकर्सवर खळबळजनक आरोप केले आहेत. त्यामुळे गदर 2 च्या यशाला गालबोट लागलंय, असं म्हणता येईल. जाणुन घेऊया संपूर्ण प्रकरण.
(Main Nikla Gaddi Leke composer Uttam Singh accuses Gadar 2 makers of)
गदर चे संगीतकार उत्तम सिंग यांनी नुकत्याच दिलेल्या मुलाखतीत 'गदर 2' च्या टीमवर त्याचा मुख्य ट्रॅक सिक्वेलमध्ये वापरल्याबद्दल टीका केली. उत्तम यांनी चित्रपटातील 'मैं निकला गड्डी लेके' आणि 'उड जा काले कावा' ही गाणी संगीतबद्ध केली आहेत, जी संगीत दिग्दर्शक मिथुन यांनी पुन्हा तयार केली आहेत.
'अमर उजाला'ला दिलेल्या मुलाखतीत संगीतकार उत्तम सिंग म्हणाले, "गदर 2 साठी त्यांनी मला फोन केला नाही आणि मला स्वतः फोन करून काम विचारण्याची सवय नाही. माझी दोन गाणी त्यांनी चित्रपटात सर्रास वापरली आहेत. इतकंच नव्हे माझे पार्श्वसंगीतही त्यांनी वापरले असल्याचे मी ऐकले आहे. माझी गाणी चित्रपटात वापरण्याआधी एकदा तरी मला विचारून बोलण्याची पद्धत त्यांच्याकडे असली पाहिजे." अशा शब्दात उत्तम सिंग यांनी नाराजी व्यक्त केलीय
आता सनी हा साता समुद्रापलीकडे लंडनला गेला आहे. तिथंही त्यानं गदरचं प्रमोशन केलं आहे. एवढ्यावरच थांबेल तो सनी कसला त्यानं तिथल्या रस्त्यांवर भांगडा करुन प्रेक्षकांचे लक्ष वेधून घेतले आहे. त्यात कित्येक भारतीयही आनंदानं सहभागी झाले होते. ट्विटवर हे व्हिडिओ व्हायरल झाले असून सनी आणि गदर च्या टीमवर नेटकऱ्यांनी कौतुकाचा वर्षाव केला आहे.
बॉलीवूडमध्ये ऑगस्टचा महिना फुल्ल टू गदर फिव्हरचा ठरला आहे. गदरची टीम प्रमोशनच्या निमित्तानं लंडनला गेली आहे. यावेळी सनीला पाहण्यासाठी लंडनच्या रस्त्यावर मोठी गर्दी जमल्याचे दिसून आले. लंडनमधील भारतीयांनी सनीचे मनपूर्वक स्वागत करुन त्याच्या गदर २ साठी शुभेच्छा दिल्या आहेत. यावेळी सनीनं काही भारतीयांशी संवादही साधला. यावेळी सनीनं त्याची प्रतिक्रियाही दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
