अर्जुनसोबत मलायका पर्यटनाला गेली; दिसली डायनासोरची अंडी

मुंबई - मलायका सध्या पर्यटनासाठी बॉयफ्रेंड अर्जुन कपूर सोबत मालदीवला गेली आहे. तिथे ती सुट्टयांचा आनंद घेताना दिसत आहे. त्याचे काही फोटो सोशल मीडीयावर व्हायरल झाले आहेत. मलायका आणि अर्जुन कपूर यांची चर्चा नेहमीच सोशल मीडियावर चाहत्यांच्या चर्चेचा विषय असते. मलायका तिच्या फोटोंसाठी प्रसिद्ध आहे. त्या फोटोंना मोठ्या प्रमाणावर लाईक्स आणि कमेंट मिळत असतात. असाच एक फोटो मलायकानं शेयर केला आहे. ती मालदीवला व्हॅकेशनसाठी गेली आहे. त्यावेळी तिथे फिरताना तिला डायनासोरची अंडी दिसली असं तिनं सांगितलं आहे. त्यावरुन तिला नेटकऱ्यांनी वेगवेगळ्या प्रकारच्या कमेंट दिल्या आहेत.

मलायकानं तिचा आणि अर्जुनचे काही फोटो शेयर केले आहेत. ते फोटो व्हायरल झाल्यानंतर चाहत्यांना समजण्यास वेळ लागला नाही की ते पर्यटनासाठी बाहेर गेले आहेत. मलायकानं इंस्टावर एक स्टोरी शेयर केली आहे. त्यामध्ये तीन मोठी अंडी दिसत आहे. तो फोटो शेयर केल्यानंतर तिनं चाहत्यांना प्रश्न विचारला आहे की, ही डायनासोरसची अंडी आहेत का? यापूर्वी तिनं सायकल चालवतानाचा व्हिडिओही शेयर केला होता. दुसरीकडे अर्जुन कपूरनं त्याच्या इंस्टा अकाउंटवरुन स्टोरी शेयर केली होती. त्यामध्ये ते एका समुद्रकिनारी बसलेले दिसत होते. त्यावरुनही चाहत्यांनी ते पर्यटनाच्या निमित्तानं बाहेर गेल्याचा अंदाज बांधला होता.

सध्या अशी चर्चा आहे मलायका आणि अर्जुन कपूर यांच्यातील नातं संपुष्टात आलं आहे. आणि बऱ्याचवेळापासून त्यांच्यात कोणताही संवाद झालेला नाही. मात्र जेव्हा ते सुट्ट्यांसाठी मालदीवला गेले असल्यानं त्यांच्या त्या प्रकरणावर आता पडदा पडला आहे. अर्जुन कपूरच्या आगामी प्रोजेक्टविषयी सांगायचे झाल्यास, भूत पोलीसमध्ये दिसला होता. त्या चित्रपटाला फारसा प्रतिसाद काही मिळाला नाही. मात्र त्याच्या अभिनयाचे प्रेक्षकांनी कौतूक केले होते. तर मलायका ही इंडियाज बेस्ट डान्सरच्या दुसऱ्या सीझनमध्ये दिसली होती.