Mithun Ramesh Hospitalized : दाक्षिणात्य सिनेसृष्टीतील मल्याळम अभिनेता मिथुन रमेशला याला रुग्णालयात दाखल करण्यात आले आहे. मिथुनला एका दुर्मिळ आजाराने ग्रासले असून त्याच्यावर सध्या केरळ मधील एका रुग्णालयात उपचार सुरू आहेत.
मिथुनला 'बेल्स पाल्सी' हा दुर्मिळ आजार झाला आहे. 'बेल्स पाल्सी' हा अर्धांगवायूचा एक प्रकार असून यामध्ये चेहऱ्याच्या काही भागात पॅरालिसिस होतो.
(malayalam actor Mithun Ramesh hospitalized suffer with Bell’s Palsy)
याबाबत मिथुनने स्वतः माहिती दिली आहे. सोशल मीडियाच्या माध्यमातून त्याने आपल्या चाहत्यांना 'बेल्स पाल्सी' या आजाराबद्दल सांगितलं आहे. मिथुन म्हणाला, "मला 'बेल्स पाल्सी' हा दुर्मिळ आजार झाला आहे. त्यामुळे मी माझे दोन्ही डोळे एकत्र बंद करू शकत नाही. त्रिवेंद्रम येथील अनंतपुरी रुग्णालयात माझ्यावर उपचार सुरू आहेत".
मिथुनला 2021 साली अर्धांगवायूचा झटका आला होता. त्यानंतर त्याची प्रकृतीत सुधारणा झाली परंतु आता नव्याने हा आजार त्याला जडला आहे.
मिथुन रमेशने 2000 साली 'लाइफ इज ब्यूटीफुल' या सिनेमाच्या माध्यमातून सिनेसृष्टीत पदार्पण केलं आहे. छोट्या पडद्यावरील अनेक हलक्या-फुलक्या कार्यक्रमांच्या सूत्रसंचालनाची धुरा त्याने सांभाळली आहे. 'शेषम','रन बाबू', 'सैम' आणि 'जिमी ई वेदिन्ते ऐश्वर्यम' सारख्या सिनेमांत मिथुन रमेशने काम केलं आहे.
रेडिओ कार्यक्रमांमध्ये देखील त्याने सहभाग घेतला आहे. मिथुन रमेश हा मल्याळम सिनेसृष्टीतील लोकप्रिय अभिनेता आहे. त्यामुळे त्याच्या प्रकृतीत लवकरात लवकर सुधारणा व्हावी यासाठी चाहते प्रार्थना करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
