Kaathal–The Core: साऊथ मेगास्टार मामूटी आणि लेडी स्टार ज्योतिका सध्या त्याच्या 'कैथल - द कोअर' या फीचर फिल्मसाठी चर्चेत आहे. हा एक फॅमिली कोर्ट ड्रामा चित्रपट आहे. चित्रपटाचा ट्रेलर रिलीज झाल्यापासून या सिनेमाची चर्चा आहे.
या चित्रपटातुन साऊथ स्टार मामूटी आणि ज्योतिका ही जोडी पहिल्यांदाच चित्रपटातून मोठ्या पडद्यावर एकत्र दिसणार आहे. मात्र आता रिलीजपूर्वीच हा चित्रपट अडचणीत अडकला आहे.
'कैथल - द कोअर' या चित्रपटाबद्दल सांगायचं झालं तर हा एक फॅमिली कोर्ट ड्रामा आहे. ट्रेलरनुसार, मामूटी हा 'मॅथ्यू' या गंभीर व्यक्तीची भुमिका साकारत आहे. तो कुणाशी फारसा बोलत नाही. त्याच्या लग्नाला 20 वर्षांहून अधिक काळ झाला आहे. ज्योतिका त्याच्या पत्नीची भुमिका साकारत आहे. काही काराणामुळे मॅथ्यूचे संपूर्ण कुटुंब वेगळे झाले आहे.
या संपूर्ण ट्रेलरमध्ये निराशाजनक वातावरण आहे आणि संवाद फारच कमी आहेत. एलजीबीटीवर आधारित हा चित्रपट लवकरच थिएटरमध्ये दाखल होण्यासाठी सज्ज झाला असला तरी त्यापुर्वीच हा चित्रपट अडचणीत सापडल्याचे दिसत आहे.
मिडिया रिपोर्टनुसार, या चित्रपटावर कुवेत आणि कतारच्या सरकारने बंदी घातली आहे. तेथील विचारसरणीमुळे सरकारने या चित्रपटावर बंदी घातल्याचे बोलले जात आहे.
या चित्रपटातून समलैंगिकतेचा महत्त्वाचा मुद्दा प्रेक्षकांसमोर मांडला जाणार असल्यामुळे कुवेत आणि कतारमध्ये या चित्रपटावर बंदी घालण्यात आली आहे. कारण हा चित्रपट तिथल्या विचारधारांच्या पलीकडचा आहे.
मात्र भारतीय चित्रपटांवर बंदी घालण्याची या सरकारची ही पहिलीच वेळ नाही तर यापुर्वी देखील असे बऱ्याचदा झाले आहे.
'कैथल - द कोअर' हा चित्रपट 23 नोव्हेंबर 2023 रोजी थिएटरमध्ये रिलीज होणार आहे. ज्योतिका आणि मामूटीसारखे मोठे स्टार्स एकाच फ्रेममध्ये दिसणार आहेत. जिओ बेबी दिग्दर्शित या चित्रपटाचे लेखन पॉलसन स्केरिया आणि आदर्श सुकुमुरन यांनी केले आहे. आता प्रेक्षकांना या चित्रपटाची उत्सुकता लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
