Rashmika Mandanna News: रश्मिका मंदाना सध्या 'अ‍ॅनिमल' सिनेमामुळे चांगलीच चर्चेत आहे. 'अ‍ॅनिमल'मधील रश्मिकाच्या भूमिकेने प्रेक्षकांची चांगली पसंती मिळवली आहे.
'अ‍ॅनिमल'मध्ये रश्मिका - रणबीरच्या जोडीला लोकांनी डोक्यावर घेतलंय. अशातच महाराष्ट्रातल्या एका तरुणाने रश्मिकाला थेट लग्नाची मागणी घातली असल्याचा रंजक किस्सा समोर आलाय. अमिताभ बच्चन यांच्या KBC 15 च्या मंचावर या गोष्टीचा उलगडा झाला. काय घडलंय? वाचा.
KBC 15 मध्ये हॉटसीटवर बसण्याचा मान महाराष्ट्रातील नांदेड जिल्ह्यातील प्रमोद भास्केला मिळाला. खेळादरम्यान प्रमोदने बिग बींना सांगितले की, त्याला चित्रपट पाहणे आवडते आणि तो रश्मिका मंदान्नाचा खूप मोठा चाहता आहे.
प्रमोदने असेही सांगितले की, रश्मिकाने 2016 मध्ये कन्नड चित्रपट 'किरिक पार्टी'द्वारे डेब्यू केला होता. एवढेच नाही तर रश्मिकाने सोशल मीडियावर त्याला तीनदा रिप्लाय दिल्याचेही त्याने सांगितले.
स्पर्धकाने सांगितले की तो रश्मिकाचा सर्वात मोठा चाहता आहे आणि त्याच्यापेक्षा मोठा चाहता कोणीही असू शकत नाही. प्रमोदने रश्मिकाला लग्नाचा प्रस्ताव पाठवल्याचे सांगितले तेव्हा ते ऐकून बिग बी आश्चर्यचकित झाले आणि तिनेही त्याला प्रतिसाद दिला. हे ऐकून बिग बींनी "रश्मिकाशी बोलण्याची संधी कधी मिळाली का?" असे विचारले. यावर प्रमोद म्हणाला की, "ती सध्या अॅनिमलच्या प्रमोशनमध्ये व्यस्त आहे".
शेवटी सर्व पुरुषांना सल्ला देताना मेगास्टार म्हणाले, "स्त्रियांना पुरुषांना नकार द्यायला खूप आवडतो."
प्रमोदची रश्मिकाबद्दचा इतका मोठा चाहता आहे हे पाहून बिग बींनी त्याची इच्छा पूर्ण केली आणि त्याला व्हिडिओ कॉलवर अभिनेत्रीशी बोलायला लावले. प्रमोदने रश्मिकाला सांगितले की, "त्याच्या सर्व वॉलपेपरवर तिचे फोटो आहेत." रश्मिका प्रमोदला वचन देते की ती लवकरच त्याला प्रत्यक्ष भेटेल.
प्रमोदने गेम सोडला आणि 12,50,000 रुपये घरी नेले. बिग बींनी 'अ‍ॅनिमल'मधील रश्मिकाच्या गीतांजली व्यक्तिरेखेचेही खूप कौतुक केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
