Manasi Naik: 'माझी मुलींना हात जोडून विनंती...'; लग्न करताना कुठे चुकलं यावर स्पष्टच बोलली मानसी नाईक

Manasi Naik: मानसी नाईक हे नाव सध्या सगळीकडेच चर्चेत आहे. आता मराठी अभिनेत्री आहे तर तिचा एखादा सिनेमा येतोय म्हणून नाही तर अलीकडे मानसी चर्चेत आली ते तिच्या घटस्फोटामुळे. सोशल मीडियावर नवरा प्रदीप खरेरा सोबत अनेकदा तिचे डान्सिंग रील्स पाहिल्यानंतर अनेकांना प्रश्न पडला,इतकं सगळं छान होतं मग अचानक घटस्फोट?

आता मानसीनं घटस्फोटाची बातमी खरी आहे यावर स्वतः शिक्कामोर्तब केल्यानंतर अर्थातच कारण काय? हा प्रश्न अनेकांना पडला असणार यात शंकाच नाही. यासंदर्भात मानसी नाईकनं ईसकाळला दिलेल्या पॉडकास्ट मुलाखतीत कारणांची भलीमोठी लिस्ट भावूक होऊन सांगितलीच पण तिनं या मुलाखतीत आपण लग्नाचा निर्णय घेताना कुठे चुकलो हे कारण सांगत लग्न करण्यास इच्छुक मुलींना एक कळकळीची विनंती देखील केली आहे.

नेमकं काय म्हणाली मानसी नाईक...हे जाणून घ्यायचं असेल तर या बातमीत तिच्या मुलाखतीची लिंक जोडली आहे..ती संपूर्ण मुलाखत ऐकाल तर मानसीला दोष देणाऱ्या अनेकांना याचं उत्तर मिळेल कदाचित...(Manasi Naik Exclusive Interview, Actress speak about her divorce)

मानसी नाईकच्या मुलाखतीची सुरुवात होते ते तिच्या करिअरमधील चढ-उतारांपासून. अभिनयापासून करिअरची सुरुवात केली तरी आज फक्त सिनेमात एखाद गाणंच का वाट्याला येतं यावर मानसीनं जे उत्तर दिलं यावरनं समजतं की लढाऊवृत्ती तिच्यात मुळतः आहे. याच मुलाखतीत मानसीनं आयटम गर्ल आणि आयटम सॉंग असा ठप्पा आपण एखाद्या कलाकृतीवर आणि कलाकारावर का मारतो? असा सवाल देखील उठवला आहे.

संपूर्ण मुलाखतीत मानसी भावूक झालेली दिसून आली ते तिच्या घटस्फोटाचा प्रश्न निघाला तेव्हा. मानसीनं या मुलाखतीत घटस्फोटाचे कारण सांगत जे लोक तिच्यावर नवऱ्याचे पैसे संपले म्हणून त्याला सोडतेय,असा आरोप करत आहेत त्यांना एकप्रकारे सुनावलं आहे. लग्नात आपली सुरुवातीपासून कशी फसगत झाली यावर बोलताना मानसीनं प्रत्येक गोष्ट शेअर केली.

अर्थात त्यामुळे मुलाखत ऐकल्यावर मानसी नाईक विषयी ज्यांच्या मनात दुराग्रह असतील त्याला नक्कीच उत्तरं मिळत जातील. मानसीनं बॉक्सिंगपट्टू प्रदीप खरेरा आणि त्याच्या कुटुंबाविषयी आपल्याला आदर आहे असं सांगितलं खरं पण त्याचवेळी त्यांनी आपल्याला जी वागणूक दिलीय त्याला आता सहन मी करणार नाही,न्याय मागणार असं देखील म्हटलं आहे. तेव्हा मानसी नाईकची ही सविस्तर मुलाखत वर बातमीत लिंकच्या माध्यमातून जोडली आहे. एका क्लीकवर संपूर्ण मुलाखत आपण ऐकू शकाल.