फोटोसाठी पोझ देताना मिया खलिफा अचानक उठून ओरडू लागली; व्हिडीओ व्हायरल

दिल्लीच्या सीमांवर सुरू असलेल्या शेतकरी आंदोलनांवर ट्विट केल्यामुळे पॉर्नस्टार मिया खलिफा गेल्या काही दिवसांपासून चर्चेत आहे. यादरम्यान आता मियाचा एक व्हिडीओ सोशल मीडियावर व्हायरल झाला आहे. या व्हिडीओत मिया कॅमेरासमोर फोटोसाठी पोझ देताना बसते, पण अचानक जोरात ओरडून पळू लागते. मियाला नेमकं काय झालं, हे सुरुवातीला कळत नाही. पण हा व्हिडीओ दोन- तीन वेळा प्ले केल्यावर मियाच्या ओरडण्यामागील कारण समजू लागतं. फोटो काढण्यासाठी मिया ज्या ठिकाणी बसते, तिथे उन्हाचा चटका पायांना बसल्याने मिया उठून ओरडू लागते. तिचा हा व्हिडीओ सोशल मीडियावर वाऱ्याच्या वेगाने व्हायरल झाला आहे. 

शेतकरी आंदोलनाबाबत केले ट्विट्स
३ फेब्रुवारी २०२१ रोजी शेतकरी आंदोलनावरून दिवसभर ट्विट्सची मालिकाच सुरू झाली होती. विख्यात आंतरराष्ट्रीय पॉप गायिका रेहानाच्या ट्विटनंतर पर्यावरण कार्यकर्ती ग्रेटा थनबर्गचं ट्विट चर्चेत आलं. यांची चर्चा सुरू असतानाच पॉर्न इंडस्ट्रीमधील तीन ओळखीच्या व्यक्तींनी ट्विट करण्यात सुरुवात केली. यामधील पहिलं नाव होतं मिया खलिफा. 'मानवी हक्कांचं उल्लंघन होतं आहे. दिल्लीत त्यांनी इंटरनेट सेवा खंडीत केली', अशा आशयाचं ट्विट मियाने केलं होतं. त्याचसोबत तिने शेतकरी आंदोलनाचा फोटो पोस्ट केला होता.  

हेही वाचा : शिवीगाळचे मेसेज पाठवणाऱ्याला दीपिकाने सुनावलं; शेअर केला स्क्रीनशॉट

हेही वाचा : 'राजा हिंदुस्तानी'मधल्या किसिंग सीनमागची गोष्ट; २४ वर्षांनंतर दिग्दर्शकाने सांगितला किस्सा

प्रियांका चोप्रावर साधला निशाणा
'मिसेस जोनास काही बोलणार की नाही', असा सवाल मियाने प्रियांका चोप्राला विचारला होता.  शेतकरी आंदोलनासंदर्भात बॉलिवूड सेलिब्रिटी का शांत आहेत, असा सवाल मियाने केला होता. याविषयी ट्विट करताना तिने प्रियांकाला टोला लगावला. इतकंच नव्हे तर शेतकरी आंदोलनावरून ट्विट केल्याने ट्रोल झाल्यानंतर, 'आम्हाला जोपर्यंत पैसे मिळणार नाही तोपर्यंत आम्ही टिवटिव थांबवणार नाही', असं म्हणत पेमेंटचा स्क्रीनशॉट शेअर केला होता.