Laal Singh Chaddha: रणवीर सिंगच्या न्यूड फोटोंची जशी चर्चा रंगली तसा याच संदर्भातला जुना एक वाद पुन्हा नव्यानं समोर आला. ९० च्या दशकात मिलिंद सोमण (Milind Soman)आणि मधू सप्रे यांच्या न्यूड फोटोशूटचा(Nude Phototshoot) वाद बराच रंगला होता. ते एका शूज कंपनीच्या जाहिरातीसाठी केलेलं फोटोशूट होतं. पण आता हा फोटो अनेक वर्षांनी थेट सिल्व्हर स्क्रिनवर झळकला आहे. चला जाणून घेऊया या संदर्भात.(Milind Soman-Madhu Sapre's controversial ad featured in Aamir Khan's 'Laal Singh Chaddha')
आमिर खानच्या लाल सिंग चड्ढाला ओपनिंग फारसं चांगलं मिळालं नाही. रक्षाबंधनच्या दुसऱ्याच दिवशी म्हणजे १२ ऑगस्ट रोजी रणवीर सिंगला जिथे आपल्या न्यूड फोटोसाठी पोलिसांनी दिलेल्या नोटीशीचा सामना करावा लागत आहे, तिथे लाल सिंग चड्ढा सिनेमात मिलिंद सोमण आणि मधू सप्रे यांचा न्यूड फोटो दाखवला गेल्याचा खुलासा झाला आहे . ९० च्या दशकातील प्रसिद्ध शूज कंपनीच्या या वादग्रस्त जाहिरातीला आता मोठ्या पडद्यावर दाखवलं गेल्यानं नवीन खलबतं सुरू झाली आहेत.
आमिर खानच्या लाल सिंग चड्ढा सिनेमाने सेल्युलाइडवर या जाहिरातीचा वापर केला आहे. यामध्ये मिलिंद सोमण आणि मधु सप्रे ऑनस्क्रीन दिसतात, आणि या फोटोचा संदर्भ थेट सिनेमातील लाल सिंग चड्ढाची बालमैत्रीण, लालचं प्रेम रुपा हिच्यासंदर्भात घडलेल्या एका अशाच घटनेशी जोडला गेला आहे. त्याच्याशी संदर्भ जोडण्यासाठी फक्त मिलिंद सोमणचा तो न्यूड फोटो सिनेमात वापरल्याची चर्चा आहे. सिनेमात अशा बऱ्याच गोष्टी आहेत ज्यामुळे लाल सिंग चड्ढा संदर्भात रोज एक नवा वाद कानावर पडतोय. पण इतक्या वादांनी चर्चेत राहूनही बॉक्सऑफिस कलेक्शनवर त्याचा फारसा परिणाम झालेला नाही. म्हणजे वादातून निर्माण झालेल्या उत्सुकतेपोटीही प्रेक्षक सिनेमागृहाकडे फिरकलेला दिसला नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
