गरोदरपणात महिलांचं वजन वाढणं साहजिक आहे. हे वजन जितक्या वेगाने वाढतं, तितक्या वेगाने कमी मात्र होत नाही. यासाठी मग केवळ योग्य आहार घेऊनच चालत नाही, तर त्याच्या जोडीला व्यायामसुद्धा सातत्याने करावा लागतो. एकीकडे अभिनेत्री अनुष्का शर्माच्या प्रेग्नंसीनंतरच्या फिटनेसची चर्चा असताना आता अभिनेता शाहिद कपूरची पत्नी मीरा राजपूत हिनेसुद्धा तिचं फिटनेस सिक्रेट सांगितलं आहे.
शाहिद आणि मीराला झैन आणि मिशा अशी दोन मुलं आहेत. मीराने नुकतंच सोशल मीडियाद्वारे चाहत्यांशी संवाद साधला. यावेळी तिने चाहत्यांच्या विविध प्रश्नांची उत्तरं दिली. प्रेग्नंसीनंतरच्या फिटनेसबद्दल प्रश्न विचारला असता मीरा म्हणाली, "मला हा प्रश्न अनेकदा विचारला गेला आहे. पण फिट राहणं हे काही एका दिवसाचं काम नाही. त्यासाठी खूप वेळ लागतो आणि प्रयत्नांमध्ये सातत्य ठेवणं गरजेचं असतं. यात सर्वांत महत्त्वाचं म्हणजे योग्य आहार. आहारासोबतच दररोज नियमित व्यायाम करणंही तितकंच गरजेचं आहे."
कधी वाद झाल्यास शाहिद जिंकतो की तू, असा प्रश्न तिला एका चाहत्याने विचारला. त्यावर मीराने उत्तर दिलं, 'अर्थात मी. अजून कोण जिंकणार?' यावेळी शाहिदच्या एखाद्या वाईट सवयीबद्दल विचारलं असता ती म्हणाली, 'मेसेजमध्ये शाहिदच्या खूप चुका असतात. कधी कधी मला समजतच नाही की त्याला काय म्हणायचंय. पण आता मला त्याची सवय झाली आहे. टायपिंगमध्ये चुका असल्या तरी त्याला काय म्हणायचंय हे मला समजतं.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.