Bollywood :आलियाशी झालेल्या तुलने बाबत 'हे' बोलली मौनी रॉय.....

 ‘ब्रह्मास्त्र’ ह्या चित्रपटाबद्दल प्रेक्षकांनी  समिंश्र प्रतिक्रीया दिल्या आहेत. ह्या चित्रपटातील गाणे असो वा संवाद फारसे कमाल करु शकत नसले चित्रपटातील VFX ने सर्वांची मने जिंकली. चित्रपटातील बरेच पात्र त्याच्या भूमिकेमुळे ट्रोलही झाले. त्यातच आलियाची भूमिकाही फारशी महत्वाची नसल्याचेही बोलले गेले. आलियापेक्षा मौनीने महत्वाची भूमिकाही साकारली आहे असं म्हणत दोघींची तुलना होत होती. याबाबत मौनीला विचारले असता तिने तिची बाजू मांडली.

ती म्हणाली,“मला यात काहीही जास्त किंवा कमी महत्त्वाचे वाटत नाही, मला एवढंच वाटतं जुनूनकडे  आत्मविश्वास आणि शक्ती असल्यामुळे  प्रेक्षकांना तसे वाटले असावे. चित्रपटातील माझी भूमिका ही केवळ माझीच होती. चित्रपटात मला विरोधी भुमिका करायची होती आणि ती माझी जबाबदारी होती.मी फक्त माझ्या भूमिकेवरच लक्ष केंद्रित केलं. प्रेक्षकांचा प्रतिसाद ऐकल्यानतंर खूप छान वाटतं...मला माझ्या इतक्या वर्षांच्या मेहनतीच फळ मिळालयं असं मला वाटतं आणि मी हे प्रामाणिकपणे सांगू शकते. ब्रह्मास्त्र हा सर्वांचा चित्रपट आहे. अयानने एक जग निर्माण केले आहे. या गोष्टीत हिरोज् आणि VFX आहे. यात सर्वच कलाकारांचे पात्र खूप महत्वाचे आहे”. 'ब्रह्मस्त्र’ मध्ये तिने ‘जुनून’ची भूमिका पार पाडली. तिच्या अभिनयाचे खुप कौतुक  झाले.

'ब्रह्मास्त्र'चा हा पहिला भाग आहे. या भागाचं नाव 'ब्रह्मास्त्र भाग 1- शिवा'  आहे. तर या चित्रपटाच्या दुसऱ्या भागाचं नाव 'ब्रह्मास्त्र भाग 2- देव' असं आहे. चित्रपटाच्या पहिल्या भागात शिवा आणि जुनूनचा संघर्ष दाखविण्यात आला आहे. त्याच्याकडे काही दैवी शक्ती असतात. चित्रपटात अमिताभ बच्चन आणि नागार्जुन यांच्याही भूमिका आहेत आणि त्यात शाहरुख खानचा कॅमिओ आहे.