Naga Chaitanya : नागा चैतन्य करतोय दुसऱ्यांदा लग्न, आता कुणाशी बांधणार लग्नगाठ?

Naga Chaitanya News : दाक्षिणात्य चित्रपटसृष्टीतील प्रसिद्ध अभिनेता नागार्जून अक्किनेनी त्याचा मुलगा नागा चैतन्य हा त्याच्या घटस्फोटामुळे चर्चेत आला होता. त्यानं प्रसिद्ध अभिनेत्री समंथाला घटस्फोट दिला होता. आता तो पुन्हा चर्चेत आला आहे त्याचे कारण दुसऱ्या लग्नाची तयारी. याविषयी वेगवेगळ्या प्रतिक्रिया समोर आल्या आहेत.

असं म्हटलं जातंय की, नागार्जून हा नागा चैतन्याच्या दुसऱ्या लग्नाचे प्लॅनिंग करतो आहे. अर्थात याबाबत अजून अक्किनेनी कुटूंबाकडून याबाबत कोणताही खुलासा करण्यात आलेला नाही. मात्र सुत्रांनी सांगितलेल्या माहितीनुसार अक्किनेनी कुटूंबाची होणारी सून ही एका बिझनेसमन कुटूंबातील आहे. अशी माहिती न्यूज १८ ने एका बातमीव्दारे दिली आहे.

Also Read - सारखी चक्कर येते? मग नका करु दुर्लक्ष...'हे' असू शकतं कारण!

नागा चैतन्य आणि समंथा यांच्यातील नातं लग्न झाल्यानंतर चार वर्षांनी संपुष्टात आले होते. तीन वर्षांपूर्वी त्यांचा घटस्फोट झाल्याच्या बातम्यांना उधाण आले होते. त्या दोन्ही सेलिब्रेटींनी देखील ती गोष्टी जाहीरपणे मान्य केली होती. यामुळे मात्र चाहत्यांना मोठा धक्का बसला होता. खरं तर या दोन्ही सेलिब्रेटींचे लग्न मोठ्या धुमधडाक्यात झाले होते. त्यांचा संसार मात्र फार काळ टिकला नाही.

समंथासोबत नाते संपुष्टात आल्यानंतर नागा चैतन्याचे नाव हे शोभिता सोबत जोडले जाऊ लागले होते. लाल सिंग चढ्ढा या चित्रपटाच्या वेळेस नागा चैतन्याला त्यावरुन ट्रोल देखील करण्यात आले होते. तेव्हा तर त्यानं हसून उत्तर दिले होते. यानंतर शोभिता आणि नागा चैतन्य एकमेकांना डेट करत असतानाचे फोटोही व्हायरल झाले होते.

आता नागा चैतन्याचे नाव हे शोभिता धुलिपाला सोबत जोडले जात आहे. शोभिता ही गेल्या काही वर्षांपासून चर्चेत आली आहे. तिची नाईट मॅनेजर आणि मेड इन हेव्हन नावाची सीरिजमध्ये देखील ती चमकली होती.खरंतर शोभिता धुलिपालासोबत नाव जोडलं जाण्यापूर्वी आणि समंथाशी लग्न होण्यापूर्वी नागा चैतन्याचे नाव हे श्रृति हासन सोबत जोडले गेले होते. मात्र त्यांचे नाते फार काळ टिकले नाही. त्यांचे ब्रेक अप झाले.

नागा चैतन्याच्या वेगवेगळ्या प्रोजेक्ट विषयी सांगायचे झाल्यास तो शेवटी आमीर खानच्या लाल सिंग चढ्ढामध्ये दिसला होता. त्यातून त्यानं बॉलीवूडमध्ये डेब्यू देखील केलं होतं. मात्र तो चित्रपट काही चालला नाही. त्याला प्रेक्षकांनी नाकारल्याचेही दिसून आले. आमिरलाही तो मोठा धक्का होता. नागा चैतन्यानं त्या चित्रपटातून आमिर खान आणि करिना कपूर यांच्यासोबत स्क्रिन शेयर केली होती.