Nana Patekar : 'आता मी म्हातारा झालोय'! नाना असे का म्हणाले? कोणत्या गोष्टीचा आला राग

Nana Patekar bollywood Actor The Vaccine War : नाना पाटेकर यांच्याविषयी जेवढं बोलावं तेवढं कमी आहे. गेल्या साडेतीन दशकांहून अधिक काळ नानांनी आपल्या अभिनयानं प्रेक्षकांचे अमाप मनोरंजन केले आहे. बॉलीवूडमध्ये मोठ्या दमदारपणे स्वताची वेगळी ओळख नानांनी तयार केली आहे. अजूनही तरुणांमध्ये नानांची स्टाईल, त्यांचे व्यक्तिमत्व हा चर्चेचा विषय आहे.

नाना हे त्यांच्या आक्रमक आणि तितक्याच परखड शैलीतील वक्तव्यासाठी ओळखले जाणारे सेलिब्रेटी आहे. आता नाना हे त्यांच्या एका वक्तव्यामुळे चर्चेत आले आहे. त्या प्रेस कॉन्फरन्समध्ये नानांनी पुन्हा एकदा त्यांच्या स्पष्टवक्तेपणाचा प्रत्यय करुन दिला नाही. नाना ही कोणतीही गोष्ट कुणाची भीड न ठेवता बोलून मोकळे होतात हे त्यांच्या आजवरच्या प्रतिक्रियांमधून दिसून आले आहे.

Also Read - हॅप्पी हार्मोन...

तुम्हाला आठवत असेल अनीस बज्मी यांच्या वेलकमच्या दोन्ही भागांमध्ये नानांनी महत्वाची भूमिका साकारली होती. त्यात त्यांनी पहिल्यांदाच एका विनोदी भाईची साकारलेली भूमिका प्रेक्षकांना कमालीची आवडली. त्याचे खूप कौतुकही झाले होते. वेलकम २ मध्ये देखील ते तितक्याच प्रभावीपणे कार्यरत होते. त्यावेळीही प्रेक्षकांनी नानांच्या भूमिकेवर कौतुकाचा वर्षाव केला होता. आता ते विवेक अग्निहोत्री यांच्या द व्हॅक्सिन वॉरमध्ये दिसणार आहे.

नाना हे अग्निहोत्री यांच्या द व्हॅक्सिन वॉर मध्ये एका शास्त्रज्ञाच्या भूमिकेत दिसणार आहेत. यावेळी पत्रकारांशी संवाद साधताना नानांना तुम्हाला वेलकम ३ मध्ये का नाही घेतले असा प्रश्न जेव्हा विचारण्यात आले तेव्हा त्यांनी दिलेलं उत्तर हे चर्चेत आलं आहे. यावेळी भलेही नानांनी त्यांच्या नेहमीच्या रोखठोक शैलीत उत्तर दिलं असेल मात्र त्या उत्तराची सोशल मीडियावर जी चर्चा सुरु झाली आहे त्यातून वेगळे अर्थ समोर येत आहेत.

नाना हे मराठीतील एकमेव असे अभिनेते आहेत ज्यांनी बॉलीवूडपटांमध्ये हिरो म्हणून नेहमीच स्वताची वेगळी ओळख निर्माण केली आहे. नानांनंतर आवर्जून नाव घ्यावे असे नाव नाही. त्यामुळे नानांनी त्या उत्तरामध्ये आपण आता म्हातारे झालो अशी प्रतिक्रिया दिली आहे. आम्ही आता काही जणांना म्हातारे वाटू लागले आहोत त्यामुळे की काय आम्हाला संधी मिळत नाही. अशी मिश्किल टिप्पणी नानांनी केली होती.