Navya Naveli Nanda : सिद्धांतसोबत नाव घेतलं जात असतानाच अमिताभ यांच्या नातीनं दिली मोठी प्रतिक्रिया, 'लग्न झाल्यावर...'

Navya Navli Nanda Grand Daughter of Amitabh bachchan : बॉलीवूडचे बिग बी अमिताभ बच्चन यांची नात नव्या नवेली नंदा ही नेहमीच वेगवेगळ्या कारणांसाठी चर्चेत असते. गेल्या काही दिवसांपासून ती प्रसिद्ध अभिनेता सिद्धांत चतुर्वेदीसोबतच्या रिलेशनशिपमुळे लाईमलाईटमध्ये आली आहे. (लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर... फॉलो करण्यासाठी या लिंकवर करा क्लिक)

एका मुलाखतीमध्ये नव्यानं तिच्या लग्नाविषयी आणि करिअरबाबत खुलासा केला आहे. चाहत्यांनीही तिला शुभेच्छा दिल्या आहे. मात्र तिचा जीवनसाथी कोण असणार याबाबत अजून कोणतीही खात्रीशीर माहिती पुढे आलेली नाही. एका पॉडकास्टच्या कार्यक्रमात ती गेली असताना त्यावेळी तिनं काही गोष्टींविषयी परखडपणे तिची मतं व्यक्त केली आहेत.

Also Read - Male Andropause: काय सांगता पुरुषांनाही येते रजोनिवृत्ती?

नव्यानं तिच्या आगामी काळातील प्रोजेक्ट विषयी बोलताना म्हटले की, सध्या माझे लग्नाचे प्लॅनिंग आहे. लग्न करणार, मोठे कुटूंब असणार. मात्र यासगळ्यात माझे करिअर मला सगळ्यात महत्वाचे आहे.त्याकडे दुर्लक्ष होणार नाही याचीही मी काळजी घेणार आहे. ई टाईम्सनं दिलेल्या या वृत्तानुसार नव्या आता लग्नाची तारीख कधी घोषित करणार याकडे अनेकांचे लक्ष लागले आहे.

नव्यानं यावेळी तिच्या प्रोफेशन लाईफवरुन देखील प्रतिक्रिया दिली आहे. ती म्हणते की, मला असे वाटत नाही की, सध्या माझा फारच वाईट काळ सुरु आहे. पण मला तो एखाद्या आव्हानासारखा वाटतो. वयाच्या २१ व्या वर्षी मी पदवीधर झाले. आता मी मला जे योग्य वाटते ते करण्यावर भर देते. भारतातील किती मुलींना त्यांना जे करावेसे वाटते ते करण्याची संधी मिळते, हा प्रश्न मला नेहमीच अस्वस्थ करत आला आहे.

एप्रिल २०२२ मध्ये नव्या आणि सिद्धांत हे एका सिक्रेट व्हॅकेशनला गेले होते. मात्र त्याचे फोटो काही सोशल मीडियावर व्हायरल झाले नव्हते. जेव्हा त्यांनी ते फोटो बऱ्याच दिवसांनी शेयर केले तेव्हा त्या दोघांच्या फोटोंमधील बॅकग्राउंड सारखेच असल्याचे दिसून आले होते. त्यावरुन नेटकऱ्यांनी वेगवेगळ्या प्रतिक्रिया देण्यास सुरुवातही केली होती. त्यानंतर जूनमध्ये ते दोघेही एकत्र मुव्हीला जातानाचे फोटोही समोर आले होते.

गेल्या काही दिवसांपासून सिद्धांत आणि बच्चन कुटूंबीय यांच्यात जवळीकता वाढल्याचे दिसून येत आहे. बऱ्याचशा इव्हेंटस मधून सिद्धांत हा अमिताभ बच्चन आणि जया बच्चन यांच्यासोबत व्हिडिओ शेयर करताना दिसून आला आहे. त्यामुळे सोशल मीडियावर त्यावरुन वेगवेगळ्या चर्चांना उधाण आल्याचे दिसून आले आहे.