'चितळेंची फक्त बाकरवाडी, केतकी तर..' राष्ट्रवादीच्या या नेत्याची गंभीर टीका

टीव्ही अभिनेत्री केतकी चितळे (ketaki chitale) नेहमीच आपल्या वादग्रस्त वक्तव्यांमुळं चर्चेत असते. आता तिनं पुन्हा एकदा असाच प्रकार केला असून यावेळी तिनं राज्यातील ज्येष्ठ नेते आणि राष्ट्रवादी काँग्रेसचे अध्यक्ष शरद पवार यांच्यावर आक्षापार्ह शब्दात टीका केली. (Ketaki Chitale made offensive post about Sharad Pawar) या प्रकरणी केतकी चितळेवर कळवा पोलीस ठाण्यात गुन्हा दाखल करण्यात आला असला तरी आता केतकीवर टीकेची झोड उठली आहे.

केतकीने शरद पवार यांच्यावर मर्यादा ओलांडून टीका केली. केतकीने 'तुका म्हणे पवारा l नको उडवू तोंडाचा फवारा ll ऐंशी झाले आता उरक l वाट पहातो नरक.. अशी कविता पोस्ट केली होती. नितीन भावे नावाच्या व्यक्तीच्या नावाने लिहिलेली ही कविता तिने पोस्ट केली. यात अत्यंत आक्षेपार्ह मजकूर आहे. केतकीचे ही पोस्ट व्हायरल झाल्याने तिला ती चांगलीच भोवली आहे. केतकीवर कळवा आणि पुण्यात गुन्हा दाखल आला असून आता विरोधकही तिच्यावर टीका करत आहेत.

राष्ट्रवादी युवक कांग्रेस कार्याध्यक्ष सुरज चव्हाण (ncp leader suraj chavhan) यांनीही दोन कवितेच्या ओली ट्विट करून केतकीवर निशाणा साधला आहे. 'नको करू एवढे पाप I शेवटी पवार साहेबचं तुझा बापII चितळेंची चाले फक्त भाकरवाडी I केतकी तर चार आण्याची पुडी I' अशी टीका त्यांनी केली आहे. सध्या राष्ट्रवादीच्या कार्यकर्त्यांमध्ये संतापाची लाट असून केतकीला अटक करण्याची मागणी होत आहे. (suraj chvhan comment on ketaki chitale)