दिवंगत अभिनेते ऋषी कपूर यांच्या पत्नी व अभिनेत्री नीतू कपूर Neetu Kapoor यांचा एक व्हिडीओ सध्या सोशल मीडियावर व्हायरल होत आहे. कुटुंबीय आणि मित्रमैत्रिणींसोबत त्या एका हॉटेलमध्ये गेल्या होत्या. त्याच हॉटेलमधील हा व्हिडीओ आहे. या व्हिडीओमध्ये नीतू कपूर प्लेट्स फोडताना दिसत असून त्यांच्यासोबत मुलगी रिधिमा कपूर आणि फॅशन डिझायनर मनिष मल्होत्रा आहेत. रिधिमाच्या एका फॅनपेजवर हा व्हिडीओ पोस्ट करण्यात आला आहे.
हॉटेलमध्ये का फोडल्या प्लेट्स?
नीतू कपूर आणि हॉटेलमधील त्या व्यक्तीने अशा पद्धतीने प्लेट्स का फोडल्या, असा प्रश्न अनेकांना पडला असेल तर त्यांनी रागाच्या भरात नाही तर ग्रीक प्रथेचा भाग म्हणून फोडल्या आहेत. संबंधित हॉटेलमध्ये ती प्रथा पाळण्यात येते. यामुळे वाईट गोष्टींपासून दूर राहण्यास मदत होते असा समज आहे.
नीतू कपूर या लवकरच 'जुग जुग जिओ' या चित्रपटातून प्रेक्षकांच्या भेटीला येणार आहेत. यामध्ये त्यांच्यासोबत अनिल कपूर, कियारा अडवाणी आणि वरुण धवन यांच्या मुख्य भूमिका आहेत. गेल्या वर्षी या चित्रपटाची शूटिंग पूर्ण झाली होती. राज मेहता दिग्दर्शित हा एक फॅमिली ड्रामा आहे. 'जुग जुग जिओ' या चित्रपटाच्या शूटिंगदरम्यान नीतू कपूर यांना कोविडची लागण झाली होती. काही दिवस क्वारंटाइनमध्ये राहून त्यांनी कोरोनावर मात केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.