सबस्क्राईब करा
Karan Johar Rani Mukerji New Year 2024: सध्या सर्वत्र नववर्षांची धामधूम पहायला मिळत आहे. त्यातच अनेक बॉलिवूड कलाकारही आपल्या जोडीदारासोबत नववर्ष साजरा करत आहेत. बॉलिवूड सेलिब्रिटींनी नवीन वर्षाच्या सेलिब्रेशनच्या काही फोटो देखील शेअर केले आहेत. बॉलीवूड सेलिब्रिटींनी नवीन वर्ष धूमधडाक्यात साजरे केले.
रणदीप अन् लिनने केरळमध्ये तर करीना-सैफने स्वित्झर्लंडमध्ये नवीन वर्षाचे स्वागत केले त्याचबरोबर आता करण जोहरने देखील त्याच्या न्यू इयर सेलिब्रेशनचे फोटो सोशल मिडियावर शेयर केले आहेत.
करण जोहरने अभिनेत्री राणी मुखर्जीसोबत नव्या वर्षाचे स्वागत केले. याचे काही फोटो करणने सोशल मिडियावर शेयर केले आहेत. यासोबत करणने त्याला ट्रोल करणाऱ्यांसाठी एक पोस्ट देखील शेयर केली आहे.
या फोटोत करण जोहर आणि राणी मुखर्जीही ब्लॅक आउटफिटमध्ये दिसले. करण जोहरने त्याच्या इन्स्टाग्राम स्टोरीजवर हे फोटो शेयर केले. हा फोटो शेअर करत करणने लिहिले, "अमी रानी... 2024!"
तर पुढच्या पोस्टमध्ये करण जोहरने त्याला ट्रोल करणाऱ्यांचा समाचार घेतला आहे. या पोस्टमध्ये तो 2023 मध्ये काय शिकला हे त्याच्या चाहत्यांना सांगितले आहे. त्याने लिहिले, “2023 मध्ये शिकलेला माझा एकमेव धडा! कुछ तो ट्रोल कहेंगे ट्रोलन का काम है ट्रोलना छोडों बेकार की बातों में कहीं बीत ना जाए इंस्टा!”
यासोबतच करणने त्याला ट्रोल करणाऱ्यांना चांगलाच टोमणा मारला आहे. सध्या करणची पोस्ट व्हायरल होत आहे. नेटकरी त्याचे कौतुक करत आहेत तर काहींनी पुन्हा त्याला ट्रोल केलं आहे.
करण जोहर सध्या कॉफी विथ करण मुळे चर्चेत आहे. यंदा या शोचा 8 वा सिझन सुरु आहे. आता शोमध्ये जान्हवी कपुर अन् खुशी कपुर दिसणार आहेत तर दुसरीकडे त्याने गेल्या वर्षी आलिया भट्ट आणि रणवीर सिंग स्टारर रॉकी और रानी की प्रेम कहानी या चित्रपटाचे दिग्दर्शन केले होते. आता तो आगामी प्रोजेक्टमध्ये व्यस्त आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.