Ramayana: लारा दत्ता कैकेयी तर बॉबी देओल तिवारींच्या 'रामायण' सिनेमात साकारणार ही भूमिका

Nitesh Tiwari Ramayana News: नितेश तिवारींच्या आगामी 'रामायण' चित्रपटाची सर्वांना उत्सुकता आहे. या चित्रपटात रणबीर कपूर, साई पल्लवी आणि केजीएफ स्टार यश दिसणार आहेत.

हळूहळू सिनेमातील व्यक्तिरेखांमध्ये कोणते कलाकार दिसणार याचा उलगडा होतोय. अशातच सिनेमातील आणखी दोन कलाकारांच्या नावाचा खुलासा झालाय.

दिग्दर्शक नितेश तिवारी सध्या अभिनेत्री लारा दत्तासोबत कैकेयीचे पात्र पडद्यावर साकारण्यासाठी चर्चेत आहेत. याशिवाय रावणाचा भाऊ कुंभकर्ण साकारण्यासाठी बॉबी देओलशी चर्चा सुरु असल्याचं समजतंय.

पिंकव्हिलाने दिलेल्या माहितीनुसार सनी देओल आणि बॉबी देओल या निमित्ताने एकत्र येणार आहेत.

नितेश तिवारीच्या रामायणात कोण दिसणार?

पिंकविलाच्या म्हणण्यानुसार, नितेश तिवारी रामायणमध्ये कैकेयीची भूमिका करण्यासाठी लारा दत्तासोबत चर्चा करत आहे. नितेश तिवारी यांना भारतीय इतिहासातील कालातीत रामायणसाठी योग्य कलाकारांना कास्ट करायचे आहे.

राजा दशरथाची तिसरी पत्नी, राजकुमारी कैकेयीची भूमिका साकारण्यासाठी लारा दत्ता परिपूर्ण आहे, असे त्यांना वाटते. याशिवाय अॅनिमल फेम लॉर्ड बॉबी कुंभकर्ण साकारणार असल्याचं समजतंय.

सनी देओल होणार रामायणाचा भाग?

दरम्यान, भगवान हनुमानाच्या भूमिकेबाबत सनी देओलसोबत चर्चा सुरू आहे. फक्त नितेश तिवारीच नाही, तर रणबीर कपूरही सनी देओलला हनुमानाच्या भूमिकेत सामील करून घेण्यास उत्सुक आहे.

याआधी दारा सिंग यांनी हनुमानाची भूमिका अजरामर केली होती. त्याच पद्धतीने सनी सुद्धा हनुमानाची भूमिका प्रभावीपणे साकारेल असा सर्वांना विश्वास आहे.