Money Laundring Case : कॉनमॅन सुकेश चंद्रशेखरच्या 200 करोडच्या मनी लॉन्ड्रिंग केस प्रकरणात सहआरोपी असलेल्या जॅकलिन फर्नांडिसच्या अडचणी दिवसेंदिवस वाढतानाच दिसत आहेत. आता नोराने जॅकलिन फर्नांडिसच्या विरोधात दिल्लीच्या पटियाला हाऊस कोर्टात मानहानीची केस दाखल केली आहे. नोराने काही वृत्तवाहिन्यांवर देखील मानहानीची केस दाखल केली आहे.(Nora Fatehi files defamation suit against actress Jacqueline Fernandez)
सुकेश चंद्रशेखरशी जोडल्या गेलेल्या मनी लॉन्ड्रिंग केस प्रकरणात ईडीनं नोरा फतेहीची देखील कसून चौकशी केली आहे. आता या केसप्रकरणात दोन्ही अभिनेत्री एकमेकींच्या विरोधात उभ्या ठाकल्या आहेत. नोरानं मानहानीच्या केसमध्ये दावा केला आहे की सुकेश चंद्रशेखरच्या केसमध्ये जाणुनबुजून तिचं नाव ओढलं गेलं. तिचं म्हणणं आहे की,सुकेशशी कधीच तिचा थेट संबंध नव्हता,तर त्याची पत्नी लीनाच्या माध्यमातून ती त्याला ओळखत होती. तसंच,सुकेशनं दिलेल्या कोणत्याही गिफ्टला तिनं स्विकारलेलं नाही.
हेही वाचा: सीमावादात रक्त सांडायला मराठी माणूसच का?
नोराने कोर्टात दाखल केलेल्या मानहानीच्या तक्रारीत म्हटलं आहे की याप्रकरणात माझं नाव गोवल्यामुळे माझ्या प्रतिष्ठेवर त्याचा परिणाम झाला आहे. तिनं दावा केला आहे की कितीतरी नवे प्रोजेक्ट तिच्या हातातून निघून गेले आहेत. यामुळे जॅकलिनने तिच्याविषयी दिलेल्या चुकीच्या स्टेटमेंटला तसंच मी़डियानं पसरवलेल्या बातम्यांना नोरानं आपल्या वैयक्तिक आणि व्यावसायिक नुकसानीसाठी जबाबदार ठरवलं आहे. पटियाला हाऊस कोर्टात नोरानं दाखल केलेल्या मानहानीच्या केस प्रकरणात 19 डिसेंबर,2022 ला सुनावणी होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
