Actor Kamar de los Reyes dies: 'वन लाइफ टू लिव्ह' फेम टीव्ही अभिनेत्याचे वयाच्या 56व्या वर्षी निधन, कर्करोगाशी झुंज ठरली अपयशी

Actor Kamar de los Reyes dies at 56: मनोरंजन विश्वातून एक वाईट बातम समोर आली आहे. प्रसिद्ध टीव्ही अभिनेता कमर डे लॉस रेयेसचे निधन झाले आहे. वयाच्या 56व्या वर्षी त्याने अखेरचा त्याने श्वास घेतला. लॉस एंजेलिसमध्ये त्याचे निधन झाले.

'कॉल ऑफ ड्यूटी: ब्लॅक ऑप्स II' या प्रसिद्ध व्हिडिओ गेममध्ये त्याने खलनायकाची भूमिका साकारली होती. त्याचबरोबर 'वन लाइफ टू लिव्ह' या टीव्ही शोमध्ये अँटोनियोच्या भूमिकेने तो जगप्रसिद्ध झाला होता.

त्यांच्या पत्नीने सोशल मीडियावर या वृत्ताला दुजोरा दिला आहे.

1980 च्या दशकाच्या शेवट त्याने गायन आणि नृत्याचे प्रशिक्षण घेतले आणि नंतर तो लॉस एंजेलिसला गेला. त्याने 1994 मध्ये 'ब्लेड टू द हीट' नावाच्या नाटकात चिकानो बॉक्सर पेड्रो 'रॉडमन क्विन'ची भूमिका साकारली. त्यानंतर 1995 मध्ये त्याने शेक्सपियरच्या 'द टेम्पेस्ट' या चित्रपटात पॅट्रिक स्टीवर्टच्या सोबत दिसला.

त्याने 'निक्सन', 'द सेल', 'सॉल्ट' सारख्या चित्रपटातही काम केले आहे. 'स्लीपी होलो', 'द रुकी' आणि 'ऑल अमेरिकन' सारख्या शोमुळे तो लोकप्रिय झाला. 'अँटोनियो वेगा' या भूमिकेसाठी तो सर्वात लोकप्रिय आहे. रिपोर्ट्सनुसार, मार्वलच्या आगामी शो 'डेअरडेव्हिल: बॉर्न अगेन' आणि हुलूच्या 'वॉशिंग्टन ब्लॅक'मध्ये कमर डी लॉस मुख्य भूमिकेत दिसणार होता

डे लॉसच्या कुटुंबात त्याची पत्नी शेरी सॉम आहे. ती देखील एक अभिनेत्री आहे. ती 'फॉस्टर्स' आणि 'गुड ट्रबल' सारख्या चित्रपटांमध्ये दिसली आहे. त्यांना जॉन आणि मायकेल अशी दोन जुळी मुलेही आहेत. आता डे लॉस रेयेसच्या निधनाने त्याच्या कुटूंबावर दुख:चा डोंगर कोसळला आहे. चाहते त्याला श्रद्धांजली वाहत आहेत.