Maharashtrachi Hasyajatra: "मी येतो नाहीतर नाय येत", ओंकार भोजनेची हास्यजत्रेत पुन्हा धमाल, नवीन प्रोमो बघाच!

Maharashtrachi Hasyajatra Onkar Bhojane is Back: महाराष्ट्राची हास्यजत्रा हा सोनी मराठीवरील सर्वांच्या आवडीचा कार्यक्रम. महाराष्ट्राची हास्यजत्राने गेली अनेक वर्ष सर्वांना खळखळून हसवलंय. महाराष्ट्राची हास्यजत्रा मधील सर्वांचा लाडका कलाकार म्हणजे ओंकार भोजने.

ओंकार गेले अनेक महिने महाराष्ट्राची हास्यजत्रामध्ये दिसला नाही म्हणुन अनेक जण त्याला मिस करत होते. पण आता सर्वांसाठी खुशखबर. ओंकारची महाराष्ट्राची हास्यजत्रा शोमध्ये पुन्हा एकदा दणक्यात एन्ट्री झालीय.

ओंकारची हास्यजत्रेत पुन्हा एकदा दणक्यात एन्ट्री

सोनी मराठीने महाराष्ट्राची हास्यजत्रा शोचा नवीन प्रोमो शेअर केलाय. या प्रोमोत ओंकार भोजने पुन्हा एकदा हास्यजत्रेच्या एका स्कीटमध्ये सर्वांना हसवायला सज्ज झालाय.

"माझं असंच आहे. मी येतो नाहीतर येत नाय."

"माझ्यावर का ओरडताय, कधी नव्हे तर मी एकदा आलोय तर सर्व माझ्यावर येऊ नका," अशा खास डायलॉगने ओंकार हास्यजत्रेत पुन्हा एकदा धम्माल आणताना दिसतोय.

ओंकार भोजनेच्या पुन्हा एन्ट्रीने चाहते खुश

ओंकार भोजनेने त्याच्या खास विनोदी अभिनयाने महाराष्ट्राची हास्यजत्रा शो गाजवलाय. कधी अगं अगं आई म्हणत ओंकार हसवतो, तर कधी इलेक्ट्रीशयन तात्या बनत तो गौरव मोरेला सतवतो. ओंकारने महाराष्ट्राची हास्यजत्रा शोमधून स्वतःचा असा चाहता वर्ग तयार केलाय.

आता महाराष्ट्राची हास्यजत्रामध्ये पुन्हा एकदा ओंकार भोजनेची एन्ट्री झाल्याने त्याच्या चाहत्यांना आनंद झालाय. अनेकांनी कमेंट करत ओंकारचं स्वागत केलंय.

ओंकारने घेतलेला महाराष्ट्राची हास्यजत्रा मधून ब्रेक?

दरम्यान ओंकार भोजने अनेक महिने महाराष्ट्राची हास्यजत्रामध्ये दिसत नव्हता. त्याने हास्यजत्रेतुन ब्रेक घेतला असं बोललं जात होतं. मधल्या काळात ओंकार फू बाई फूच्या नवीन पर्वात झळकला. याशिवाय सरला एक कोटी सिनेमात ओंकार दिसला. सध्या ओंकार भाऊ कदम यांच्यासोबत करुन गेलो गाव नाटकात झळकत आहे.

ओंकारने हास्यजत्रा सोडली असली तरीही तो कलाकारांच्या संपर्कात होता. आता महाराष्ट्राची हास्यजत्रामध्ये ओंकार परत आल्याने सर्वांना आनंद झालाय.