Oscars 2024: ऑस्कर (Oscars 2024) पुरस्कार सोहळ्याची सिनेप्रेमी उत्सुकतेने वाट बघत आहेत. दरवर्षी ऑस्कर पुरस्कार सोहळ्याचे आयोजन करण्यात येतं. 10 मार्च रोजी ऑस्कर-2024 हा पुरस्कार सोहळा पार पडला. या सोहळ्याचे लाईव्ह स्ट्रिमिंग भारतात आज डिज्नी प्लस हॉटस्टार (Disney Plus Hotstar) या ओटीटी प्लॅटफॉर्मवर झाले. या सोहळ्यात अनेक हटके गोष्टी घडल्या, या घटनांनी अनेकांचे लक्ष वेधले. यंदाच्या ऑस्कर पुरस्कार सोहळ्यात काय-काय घडलं? जाणून घेऊयात...
ऑस्कर 2024 पुरस्कार सोहळ्यात अनेक सेलिब्रेटींनी हजेरी लावली. पण स्पॉटलाइट केवळ एकाच सेलिब्रिटीवर होते. तो म्हणजे, 7 वर्षांचा ॲनाटॉमी ऑफ अ फॉलमधील या सिनेमातील श्वान. या श्वानाचे नाव मेस्सी असं आहे. ऑस्कर पुरस्कार सोहळ्यातील मेस्सीच्या हजेरीनं अनेकांचे लक्ष वेधले.
नुकताच ऑस्कर पुरस्कार सोहळ्यातील एक व्हिडीओ व्हायरल झाला आहे. ज्यामध्ये जॉन हा नग्न अवस्थेत स्टेजवर आलेला दिसत आहे. जॉन सीना हा सर्वोत्कृष्ट कॉस्ट्युम डिझाइन या कॅटेगिरीच्या ऑस्कर पुरस्कार विजेत्याच्या नावाची घोषणा करण्यासाठी स्टेजवर नग्न अवस्थेत आला. जॉनला असं पाहून पुरस्कार सोहळ्याला आलेले सर्व सेलिब्रिटी खूप हसले. यावेळी जॉन म्हणाला, "कॉस्ट्युम खूप महत्वाचे आहेत.". 'पुअर थिंग्स'ला सर्वोत्कृष्ट कॉस्ट्युम डिझाइनचा ऑस्कर मिळाला आहे.
एम्मा स्टोननं सर्वोत्कृष्ट अभिनेत्री या कॅटेगिरीतील ऑस्कर पुरस्कार जिंकला. जेव्हा एम्मा पुरस्कार स्विकारायला स्टेजवर आली तेव्हा ती सतत तिच्या ड्रेसला हात लावताना दिसली. पुरस्कार स्विकारल्यानंतर एम्मानं प्रेक्षकांना सांगितलं, "अरेरे. माझा ड्रेस फाटला” त्यानंतर तिनं मागे वळून तिचा ड्रेस प्रेक्षकांना दाखवला.एम्मा स्टोननं पुरस्कार सोहळ्यासाठी मिंट ग्रीन कलरचा वन पीस परिधान केला होता. तसेच तिनं गळ्यात स्टोनचा नेकलेस घातला होता. एम्माच्या या लूकनं अनेकांचे लक्ष वेधले.
ख्रिस्तोफर नोलनच्या 'ओपेनहायमर' या चित्रपटाला यंदा ऑस्करमध्ये 13 नामांकने मिळाली. यापैकी सात पुरस्कारांवर या सिनेमानं नाव कोरलं. 'ओपेनहायमर' या सिनेमातील सिलियन मर्फीनं सर्वोत्कृष्ट अभिनेता या श्रेणीचा पुरस्कार जिंकला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.