पाकिस्तानी चित्रपट 'द लीजेंड ऑफ मौला जट' याची सध्या जगभरात चर्चा आहे. भारत आणि पाकिस्तान याच्यांतील संबध हे सर्वश्रूत आहे. या चित्रपटाची भारतात जास्तच चर्चा रंगली आहे. भारतातही 23 डिसेंबरला या चित्रपटाच्या प्रदर्शनाची तयारी करण्यात आली होती, मात्र आता चित्रपट रिलीज होण्याआधीच यावरून महाराष्ट्रातच जोरदार वाद सुरू झाला आहे.
अलीकडेच अमेय खोपकर यांनी शुक्रवारी जाहीर इशारा देत पाकिस्तानी अभिनेता फवाद खानचा 'द लिजेंड ऑफ मौला जट' हा पाकिस्तानी चित्रपट भारतात प्रदर्शित होऊ देणार नाही, अशी धमकी दिली आहे. फवाद खानचा चित्रपट भारतात प्रदर्शित होण्याविषयी अमेय खोपकर यांनी सोशल मीडियावर नाराजी व्यक्त केली त्याच्या समर्थनात आता अनेकजण उभे आहेत.
त्यातच विकास फाटक म्हणजे सोशल मीडियावरील प्रसिद्ध हिंदुस्थानी भाऊ त्यानेही आता या चित्रपटाच्या पदर्शनावर बंदी घालण्याची मागणी केली आहे. त्याने एक व्हिडिओ सोशल मिडियावर पोस्ट केलाय. ज्यात त्याने कोणत्याही परिस्थीतीत फवाद खानचा 'द लिजेंड ऑफ मौला जट' भारतात प्रदर्शित होऊ देणार नाही आणि असं झाल्यास त्याचे गंभीर परिणाम होतील अशी धमकी दिली आहे.
या व्हिडिओत तो म्हणतोय, "‘द लीजंड ऑफ मौला जट्ट’ हा पाकिस्तानी चित्रपट भारतात प्रदर्शित करण्यासाठी हालचाली सुरु आहेत. या विरोधात मनसेने आवाज उठवला असून, मी त्यांच्या सोबत आहे. ज्या चित्रपट गृहात चित्रपट लागेल, त्याची जबाबदारी ही त्यांच्या मालकाची असेल. हा नवा भारत आहे, इथे हे चालणार नाही." व्हिडिओ प्रचंड व्हायरल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
