'पंजबियाँ दी बैटरी चार्ज रेह्न्दी है!' ढोल ताशांच्या गजरात परिणीतीचं सासरी जंगी स्वागत...

Parineeti Chopra Got A Grand Welcome: परिणीती चोप्रा आणि राघव चढ्ढा यांनी 24 सप्टेंबर रोजी उदयपूर येथील हॉटेल लीला पॅलेसमध्ये लग्नगाठ बांधली आहे. पंजाबी रितीरिवाजांनुसार या जोडप्याचा विवाहसोहळा पार पडला.

लग्नानंतर त्यांनी काही खास फोटो सोशल मीडियावर शेअर केले. यानंतर दोघांच्या लग्नाचे काही अनसीन व्हिडिओ देखील सोशल मीडियावर व्हायरल झाले. परी आणि राघव आपल्या आपल्या घरी परतले आहे.

लग्नानंतर परिणीती चोप्रा पती राघव चढ्ढासोबत दिल्लीतील तिच्या सासरच्या घरी आली आहे. येथे तिचे स्वागत करण्यात आले. पिवळा सूट, गुलाबी बांगड्या, सिंदूर आणि गळ्यात मंगळसूत्र घातलेली परि नववधूच्या लूकमध्ये खुप सुंदर दिसत होती.

आता सोशल मीडियावर एक व्हिडिओ व्हायरल होत आहे. ज्यात नववधू आणि वर म्हणजेच राघव आणि परिचं त्यांच्या दिल्लीतील घरी जंगी स्वागत करण्यात आलं.

त्यांची गाडी दिल्लीतील घरी गेटवर पोहचण्यापुर्वीच गेटवर ढोल वाजवले जात होते. परिणीती - राघव लग्नानंतर त्यांच्या घरी आले. यावेळी राघवचे घर सजवलेलं दिसत असुन दिव्यांची रोषणाई करण्यात आली होती. सासरच्या मंडळींनी त्याची सून परिणीतीचे जोरदार स्वागत केले. तर एक व्हिडिओत राघव देखील ढोलच्या तालावर नाचाताना दिसला.

तर सोशल मीडियावर परिणीती चोप्रा आणि राघव चढ्ढाच्या लग्नाचे आणि विधींचे अनेक फोटो आणि व्हिडिओ व्हायरल होत आहेत. परिच्या फॅन पेजवर एक व्हिडिओ पोस्ट करण्यात आला आहे ज्यामध्ये ती वरमालासाठी राघव चड्ढाकडे जाताना दिसत आहे.

तर एका व्हिडिओत राघव आणि परिणीती पांढऱ्या छत्रीसोबत नाचताना दिसत आहेत. राघव आणि परिणीतीच्या लग्नाचा मंडप पूलावर बांधण्यात आला होता. मंडप अतिशय सुंदर पद्धतीने सजवण्यात आला होता. सध्या हा व्हिडिओ सोशल मीडियावर व्हायरल होत आहे.