Deepika Padukone: शाहरुख खान आणि दीपिका पदुकोण यांच्या पठाण चित्रपटातील गाण्यांची चाहते आतुरतेने वाट पाहत होते आणि 'बेशरम रंग' हे पहिले गाणे रिलीज झाले. या गाण्यात दीपिका पदुकोणचा बोल्ड आणि ग्लॅमरस अवतार पाहायला मिळाला. दीपिकाचा दमदार डान्स चाहत्यांना घायाळ करत आहे. मात्र हे गाणे सोशल मीडियावर ट्रोल होऊ लागले. दीपिकाच्या डान्स स्टेप्सवर फनी मीम्स बनवले जात आहेत. (Netizens troll the latest song of pathann's Besharam Rang,memes viral)
या गाण्यामध्ये दीपिका पदुकोणने हुक स्टेप केली आहे. काहीना तिचा डान्सचे कौतुक केले तर काहीनी मीम्स तयार केले. दीपिकाची एक डान्स स्टेप आहे ज्यामध्ये ती वाकते आणि वळते आहे. गाणे रिलीज झाल्यावर लोकांनी या हुक स्टेपवर बनवलेले मजेदार मीम्स व्हायरल होत आहेत.
हेही वाचा- संयुक्त नावावरील गृहकर्जातून होईल प्राप्तीकराची बचत...
एका यूजरने लिहिले - 'बेडखाली माझी चप्पल शोधत आहे'.
दुसर्‍याने लिहिले - 'कोरिओग्राफर, दिग्दर्शक आणि माझी आवडती दीपिका पदुकोण काय विचार करत होती?',लोकांनी दीपिकाला तर ट्रोल केले पण बॅकग्राउंड डान्सर्सला पण ट्रोल केले आहे . कुणा एका नेटकऱ्यानं लिहिलंय, 'बॅकग्राउंड डान्सर्स तर अंगात भूत आल्यासारखे नाचत आहेत'.
'मेकर्सना चांगला कोरिओग्राफर का सापडला नाही?', असे युजर्सचे म्हणणे आहे. डान्सिंग स्टेप्स पाहून लोक गोंधळून गेले आहेत.
एका यूजर्सला तर हा प्रश्न पडला आहे की,'गाण्यात दीपिका आणि बॅकग्राउंड डान्सर्स नेमकं काय करत आहेत?'.
इतकेच नाही तर अनेकांनी दीपिकाच्या डान्सिंग अॅक्टवरच नाही तर संपूर्ण गाण्यावरच प्रश्नचिन्ह उपस्थित केले आहे. युजर्सनी 'पठाण'च्या गाण्याची तुलना जैनच्या मकेबा गाण्याशी करत तेच गाणं 'पठाण'मध्ये कॉपी असल्याचे केले आहे. युजर्सने मेकर्सवर 'मकिबा' गाणे चोरल्याचा आरोपही केला आहे. 'बेशरम रंग' आणि 'मकिबा' या दोन्ही गाण्यांच्या क्लिप शेअर करून लोक आता पुरावा देत आरोप करत सुटले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
