Pooja Sawant: थाटामाटात पार पडला कलरफुल पूजा सावंत आणि सिद्धेश चव्हाण यांचा साखरपुडा; लूकनं वेधलं लक्ष

Pooja Sawant: अभिनेत्री पूजा सावंत (Pooja Sawant) आणि सिद्धेश चव्हाण (Siddhesh Chavan) यांचा साखरपुडा पार पडला आहे. यांच्या साखरपुड्याला अनेक सेलिब्रिटींनी हजेरी लावली. पूजाच्या साखरपुड्याचे फोटो सध्या सोशल मीडियावर व्हायरल होत आहेत. पूजा आणि सिद्धेश यांनी साखरपुड्यासाठी केलेल्या लूकची चर्चा सध्या सोशल मीडियावर होत आहे.

पूजाचा लूक

पूजा सावंत आणि सिद्धेश चव्हाण यांनी साखरपुड्यासाठी खास लूक केला होता. हिरवी साडी, नथ आणि गोल्ड ज्वेलरी असा लूक पूजानं केला होता. तर सिद्धेशनं गोल्डन कुर्ता आणि गोल्डन धोतर असा लूक केला होता. सोशल मीडियाच्या माध्यमातून अनेकांनी सिद्धेश आणि पूजावर शुभेच्छांचा वर्षाव केला.

पूजा आणि सिद्धेश यांच्या साखरपुड्याला भूषण प्रधान, प्रर्थना बेहरे, वैभव तत्ववादी यांनी हजेरी लावली.

सिद्धेशनं काही महिन्यांपूर्वी पूजाला प्रपोज केलं होतं. पूजानं एक खास व्हिडीओ शेअर केला होता. या व्हिडीओमध्ये सिद्धेश हा पूजाला फिल्मी स्टाईलमध्ये प्रपोज करताना दिसला. पूजानं शेअर केलेल्या व्हिडीओमध्ये दिसले की, सिद्धेश हा गुडघ्यावर बसून पूजाला प्रपोज करतो. हे पाहिल्यानंतर पूजाच्या डोळ्यातून आनंदाश्रू येतात. त्यानंतर सिद्धेश गुडघ्यावर बसून पूजाच्या बोटामध्ये रिंग घालतो. त्यानंतर फटाक्यांची आतषबाजी देखील होते.

पूजाचे चित्रपट

पूजानं क्षणभर विश्रांती या चित्रपटातून पूजानं अभिनय क्षेत्रात पदार्पण केलं. गोंदण,पोश्टर बॉय,सतरंगी रे, आता गं बया,साटं लोटं पण सगळं खोटं,नीळकंठ मास्तर,दगडी चाळ या चित्रपटांमध्ये तिनं काम केलं.