Pooja Sawant Boyfriend: 'मन धागा धागा जोडते नवा', पूजाच्या होणाऱ्या नवऱ्याचा फोटो एकदा पाहा!

Pooja Sawant And Siddhesh Chavan: मराठी मनोरंजन विश्वातील लोकप्रिय अभिनेत्री पूजा सावंत ही सध्या तिच्या वैयक्तिक आयुष्यामुळे चर्चेत आली आहे.

पुजाने अनेक सिनेमा, वेबसिरीज, नाटकातून प्रेक्षकांचे मनोरंजन केले आहे. मात्र पुजा लग्न कधी करणार? ती कुणाला डेट करत आहे का असे प्रश्न तिच्या चाहत्यांना पडले होते.

तर मंगळवारी पूजाने सोशल मिडियावर पोस्ट शेयर करत तिच्या नात्याबद्दल चाहत्यांना सांगितले. तिने साखरपूडा उरकल्याचे सांगत चाहत्यांना एक सुखद धक्का दिला.

पूजाने इन्स्टाग्रामवर तिचे आणि तिच्या बॉयफ्रेंडचे काही फोटो शेअर करत We are engaged असं कॅप्शनमध्ये लिहिलं होतं. यात मुलाचा चेहरा दिसत नव्हता मात्र तिने बोटातील अंगठी चाहत्यांना दाखवली होती.

त्यानंतर पूजाच्या आयुष्यातील ही स्पेशल व्यक्ती आहे तरी कोण? असा प्रश्न सर्वांना पडला होता. अखेर पुजाने चाहत्यांची उत्सुकता न ताणता आपल्या प्रियकाराचा फोटो देखील शेयर केला आहे.

पुजाने तिच्या बॉयफ्रेंडसोबतचे काही फोटो सोशल मिडियावर शेयर केले आहेत. पूजाने आता तिच्या मिस्ट्री मॅनचा चेहरा दाखवला आणि त्याची ओळखही सांगितली आहे. पूजाच्या प्रियकाराचे नाव सिद्धेश चव्हाण आहे. ती सिद्धेशसोबत एंगेज झाली आहे.

या फोटोच्या कॅप्शनमध्ये पूजा लिहिते, "तुझ्यासोबत प्रेमाच्या या नवीन प्रवासाची सुरुवात करण्यासाठी खूप उत्सुक आहे 'Engaged in love". आता पुजाचा होणार नवरा कोण आहे असा प्रश्न चाहत्यांना पडला आहे.

तर सिद्धेश हा व्यवसायाने फिटनेस ट्रेनर आणि बिझनेसमन असल्याच्या चर्चा आहे. तर पूजाच्या पोस्टला तिचा जवळचा मित्र सिद्धार्थ चांदेकरने 'अँड द डिइनी फिल्म बिगिन्स' अशी कमेंट केली आहे. त्यामुळे पूजाचा होणारा नवरा सिद्धेश चव्हाण डिइनी कंपनीत असल्याचेही बोलले जात आहे. तो परदेशात राहतो.

मात्र याबाबत अधिकृत अशी माहिती मिळालेली नाही. तरी आता सिद्धेश काय करतो, त्याची आणि पूजाची लव्हस्टोरी कशी सुरु झाली आणि हे कपल कधी लग्नबंधनात अडकणार असे अनेक प्रश्न चाहत्यांना पडले आहेत.