साऊथ सुपरस्टार धनुष हा नेहमी चर्चेत असतो. साऊथ सिनेमाचा सुपरस्टार धनुषनं बॉलीवूडमध्येही काही सिनेमे केले आहेत. धनुष त्याच्या आगामी सिनेमामुळे चर्चेत असतोच. मात्र आता तो पुन्हा त्याच्या दिलखुलास स्वभावामुळे चर्चेत आला आहे.
सध्या धनुषचा एक व्हिडिओ सोशल मीडियावर व्हायरल होत आहे. ज्यात धनुषने रविवारी अचानक असिस्टंटच्या लग्नाला हजेरी लावली. धनुषने अचानक लग्न सोहळ्याला हजेरी लावल्याने सर्वांनाच धक्का बसला.
धनुषसारख्या मोठ्या स्टारला आपल्या लग्नात पाहिल्यानंतर असिस्टंट खुपच भावुक झालेला दिसला. यावेळी धनुषच्या साधेपणाने सर्वांचे लक्ष वेधले. त्याने अगदी साधा लूक कॅरी केला होता. तो शर्ट, जीन्स आणि कॅप घालून लग्नात उपस्थीत होता.
चित्रपटाच्या शुटिंगमधून वेळ काढत आपल्या कर्मचाऱ्याच्या लग्नाला धनुष गेला आणि त्याने नवविवाहित जोडप्यासोबत फोटोही काढले. धनुषचे लग्नसोहळ्यातील फोटो आणि व्हिडिओ सोशल मीडियावर तुफान व्हायरल होत आहेत. यावेळी धनुषला पाहिल्यानंतर असिस्टंटला देखील रडू आवरले नाही.
धनुषच्या व्हिडिओ त्याच्या फॅन पेजवर शेअर करण्यात आला आहे, ज्यामध्ये धनुष त्याच्या असिस्टंटसोबत पोझ देत आहे. यात धनुषसोबत असुरन चित्रपटाचा सहअभिनेता केन करुणस देखील व्हिडिओमध्ये दिसत आहे. नेटकऱ्यांनी त्याच्या साध्या लूकचं खुप कौतुक आहे.
धनुषच्या आगामी सिनेमाबाबत बोलायचं झालं तर तो त्याच्या 'कॅप्टन मिलर' या चित्रपटासाठी चर्चेत आहे. हा चित्रपट 15 डिसेंबरला प्रदर्शित होण्यासाठी सज्ज आहे. या चित्रपटाचा फर्स्ट लुक रिलीज करण्यात आला आहे. या चित्रपटासाठी चाहते खुप उत्सूक आहेत. या चित्रपटाचे दिग्दर्शन अरुण माथेश्वरन यांनी केले आहे.
या चित्रपटाच्या कलाकारांबाबत बोलायचं झालं तर यात धनुषसोबत या चित्रपटात प्रियंका अरुल मोहन, शिवा राजकुमार, निवेदिता सतीश आणि संदीप किशन मुख्य भूमिका आहेत. यासोबतच धनुष आनंद एल राय च्या 'तेरे इश्क में' या चित्रपटात दिसणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
