International Yoga Day: प्राजक्ता माळीचा नाद नाय! १०८ सूर्यनमस्कार घालत चाहत्यांनाही करायला लावला योगा..

(prajakta mali 108 surynamskar : फिटनेस फ्रिक मराठमोळी अभिनेत प्राजक्ता माळी आणि योगविद्या हे समीकरण आपल्याला काही नवीन नाही. ती सातत्याने व्यायाम आणि योगाचे महत्व सांगत असते. अनेकदा ती योग करतानाचे व्हिडिओही शेयर करते.

विशेष म्हणजे दरवर्षी ती जागतिक योग दिनी १०८ सूर्यनमस्कार घालण्याचा संकल्प करते आणि तो पूर्णत्वासही नेते. आजही जगभरात जागतिक योग दिन साजरा होत असताना अभिनेत्री प्राजक्ता माळीने १०८ सूर्यनमस्कार घालत आजचा दिवस साजरा केला आहे.

एवढेच नाही तर थेट लाईव्ह सूर्यनमस्कार करत आपल्या चाहत्यांनाही तिने सूर्यनमस्कार घालणे भाग पाडले. प्राजक्ताचाचा व्हिडिओ सध्या सोशल मिडियावर प्रचंड व्हायरल होत आहे. या विशेष विक्रमासाठी अनेकांनी तिचे कौतुकही केले आहे.

(prajakta mali 108 surynamskar on international yoga day 2023 viral video nsa95)

योग साधनेचे आपल्या आयुष्यात किती महत्व आहे हे अनेक कलाकार आपल्याला वारंवार सांनगत असतात. (International Yoga Day 2023) सोशल मीडीयावर बॉलीवूड सेलिब्रेटीही आपले फोटो शेयर करत योगचे महत्व पटवून देत असतात. यामध्ये आपली मराठी अभिनेत्री प्राजक्ता माळीही मागे नाही.

योग साधनेविषयी ती वारंवार बोलत असते. आज योगा डे निमित्त तिने चक्क 108 सूर्य नमस्कार घातले आहेत. गेल्यावर्षीही तिने हा विक्रम केला होता. विशेष म्हणजे पुरावा म्हणून याचा खास व्हिडिओ तीने शेयर केला आहे. सोबत एक खास कमेंटही तिने केली आहे.

''सालाबादप्रमाणे यंदाचेही वर्षी १०८ सूर्यनमस्कार घातले… त्याचा हा पुरावा... बाकी योगदिनाच्या फक्त तोंडी शुभेच्छा नाहीत..'' अशी भन्नाट कमेंट तिनं या व्हिडिओवर केली आहे.

प्राजक्ताने कालच याबाबत आपल्या चाहत्यांना आवाहन केले होते. मी सकाळी संत वाजता १०८ सूर्यनमस्कार घालायला येणार आहे, तुम्हीही या असे ती म्हणाली होती. त्यानुसार प्राजक्ताने आपला संकल्प पूर्ण केला आहे. विशेष म्हणजे यावेळी चाहत्यांनीही किती सूर्यनमस्कार घातले हे प्राजक्ताला कमेंट करत कळवले आहे.