Teen Adkun Sitaram: "चीनने जगाची ठासली अन् आपण.."; प्राजक्ता माळीच्या तीन अडकून सीतारामचा धमाकेदार टीझर एकदा पाहाच

Prajakta Mali Upcoming Movie : प्राजक्ता माळी ही मनोरंजन विश्वातील लोकप्रिय अभिनेत्री. प्राजक्ता माळी महाराष्ट्राची हास्यजत्रा शोचं सुत्रसंचालन करतेय. प्राजक्ता माळीच्या आगामी तीन अडकून सीताराम सिनेमाची सर्वांना उत्सुकता आहे.

प्राजक्ता माळी, वैभव तत्ववादी, आलोक राजवाडे, संकर्षण कऱ्हाडे अशा कलाकारांची प्रमुख भुमिका असलेला तीन अडकून सीताराम सिनेमाचा धमाकेदार टीझर प्रेक्षकांच्या भेटीला आलाय.

तीन अडकून सीतारामच्या टीझरमध्ये काय?

तीन अडकून सीतारामच्या टिझरमध्ये वैभव तत्ववादी आणि संकर्षण कऱ्हाडे राजकीय कुटुंबाशी संबंधित असुन आलोक त्यांचा मित्र आहे. हॅाटेलमध्ये हे त्रिकुट गोंधळ घालताना दिसत आहेत. ॉ

‘दुनिया गेली तेल लावत’ असा काहीसा ॲटिट्यूड असणाऱ्या त्यांच्या आयुष्यात काहीतरी वादळ आल्याचे दिसत असून हे वादळ कसे थांबणार, हे सिनेमात बघायला मिळेल

सिनेमाचा टिझर पाहता कलाकारांची ही दमदार फळी आपल्या भन्नाट अभिनयाने चित्रपटात अधिकच रंगत आणणार आहेत.

टिझरमध्ये वैभव तत्ववादी, संकर्षण कऱ्हाडे, आलोक राजवाडे, प्राजक्ता माळी, गौरी देशपांडे दिसत असले तरी चित्रपटात आनंद इंगळे, समीर पाटील, विजय निकम आणि हृषिकेश जोशी यांच्याही प्रमुख भूमिका आहेत.

खळखळून हसवणारा तीन अडकून सीताराम सिनेमा

तीन अडकून सीताराम चित्रपटाबद्दल लेखक, दिग्दर्शक हृषिकेश जोशी म्हणतात, ‘’ नावावरून प्रेक्षकांना उत्सुकता लागली होती, नेमका हा चित्रपट आहे तरी काय? तर टिझरवरून प्रेक्षकांना अंदाज आला असेलच.

यात काही रहस्य आहेत, गुंतागुंत आहे आणि हा गुंता अखेर सुटणार का? हे यात पाहायला मिळणार आहे. प्रेक्षकांचे खळखळून मनोरंजन करणारा हा चित्रपट आहे. ‘तीन अडकून सीताराम’चा खरा अर्थ प्रेक्षकांना चित्रपट पाहिल्यावरच कळेल.’’

तीन अडकून सीताराम सिनेमाची रिलीज डेट काय?

तीन अडकून सीताराम चित्रपटाविषयी प्रेक्षकांना उत्सुकता लागून राहिली होती त्या ‘तीन अडकून सीताराम’ या चित्रपटाचे जबरदस्त टिझर सोशल मीडियावर अखेर झळकले आहे. टिझर बघून या चित्रपटाविषयीची उत्कंठा आता आणखीनच शिगेला पोहोचली आहे.

टिझर अतिशय धमाल असून यात काहीतरी गुंतागुंत दिसत आहे. आता हा सुरू असलेला गोंधळच नेमका काय आहे, कशामुळे आहे, याचेच उत्तर आपल्याला २९ सष्टेंबरला चित्रपटगृहात मिळणार आहे.

सुप्रीम मोशन पिक्चर्स प्रा. लि. आणि नितीन वैद्य प्रोडक्शन प्रस्तुत या चित्रपटाचे लेखन, दिग्दर्शन हृषिकेश जोशी यांनी केले आहे. तर लालासाहेब शिंदे, राजेंद्र शिंदे आणि नितीन प्रकाश वैद्य या चित्रपटाचे निर्माते आहेत.