Prathamesh Parab: दगडूचा रोमँटिक अंदाज; साखरपुड्यात किंग खानच्या गाण्यावर थिरकला प्रथमेश परब, पाहा व्हिडीओ

Prathamesh Parab: मराठी चित्रपटसृष्टीतील अभिनेता प्रथमेश परब (Prathamesh Parab) आणि क्षितिजा घोसाळकर (Kshitija Ghosalkar) यांचा साखरपुडा नुकताच पार पडला. या दोघांच्या साखरपुड्यातील फोटो आणि व्हिडीओ सोशल मीडियावर व्हायरल झाले आहेत. नुकताच प्रथमेशनं त्याच्या साखरपुड्यातील एक खास व्हिडीओ सोशल मीडियावर शेअर केला आहे. या व्हिडीओमध्ये तो शाहरुख खानच्या (Shah Rukh Khan) गाण्यावर डान्स करताना दिसत आहे.

प्रथमेशचा रोमँटिक अंदाज

प्रथमेशनं सोशल मीडियावर शेअर केलेल्या साखरपुड्याच्या व्हिडीओमध्ये तो रंग दे तू मोहे गेरुआ या शाहरुख खानच्या गाण्यावर थिरकताना दिसत आहे. या व्हिडीओला प्रथमेशनं कॅप्शन दिलं, "क्योंकि रियल लाइफ में भी थोड़ा फिल्मी होना जरूरी है" या व्हिडीओमधील प्रथमेशच्या रोमँटिक अंदाजानं अनेकांचे लक्ष वेधले आहे.

पाहा व्हिडीओ:

प्रथमेश आणि क्षितिजा यांचा लूक

प्रथमेश आणि क्षितिजा यांनी साखरपुड्यासाठी खास लूक केला होता. प्रथमेशनं पिंक करलरचा आऊटफिट परिधान केला होता तर क्षितिजानं पिंक कलरचा वनपीस घातला होता.

प्रथमेशचे चित्रपट

प्रथमेशचा डिलिव्हरी बॉय हा चित्रपट काही दिवसांपूर्वी रिलीज झाला. पृथ्वीक प्रताप,अंकिता लांडे-पाटील यांनी देखील या चित्रपटात भूमिका साकारली. मोहसीन खान यांनी या चित्रपटाचं दिग्दर्शन केलं आहे. टाइमपास या चित्रपटामुळे प्रथमेशला विशेष लोकप्रियता मिळाली. या चित्रपटात प्रथमेशनं दगडू ही भूमिका साकारली. बालक-पालक,उर्फी,लालबागची राणी, टकाटक 2 या चित्रपटांमध्ये प्रथमेशनं काम केलं आहे. तसेच प्रथमेशनं दृष्यम या हिंदी चित्रपटात देखील काम केलं आहे.