Preity Zinta's clarification on name: "अरे बाबा माझं नाव..." प्रितीला अचनाक काय झालं? व्हिडिओ व्हायरल

Preity Zinta Video: बॉलिवूडची प्रसिद्ध अभिनेत्री प्रिती झिंटा हिला काही वेगळी ओळख देण्याची गरज नाही. तिने आपल्या अभिनयाने चाहत्यांची मने जिंकली आहे. तिला सर्वजण ओळखतात. प्रिती ही आयपीएल टीम पंजाब किंग्सची सह-मालक आहे.

आज जरी प्रिती इंडस्ट्रीपासून दूर असली, पण तिच्या फॅन फॉलोइंगवर याचा फारसा परिणाम झालेला नाही. ती सोशल मीडियावर सक्रिय राहते आणि फोटो आणि व्हिडिओ शेअर करून चाहत्यांशी कनेक्ट राहते. मात्र आता प्रितीने एक व्हिडिओ शेयर करत तिच्या नावाचे स्पष्टीकरण दिले आहे. आता इतक्या वर्षानंतर प्रितीने आपल्या नावाबाबत सांगून अनेकांचा गैरसमज दुर केला आहे.

गेल्या काही वर्षांपासून इंटरनेटवर प्रातीचे नाव 'प्रीतम सिंह झिंटा' असल्याचे सांगितले जात आहे, ज्याबद्दल स्वत: प्रातीनेच स्पष्टीकरण दिले आणि तिचे खरे नाव काय आहे हे सांगितले आहे.

प्रिती झिंटाने तिच्या इंस्टाग्रामवर एक व्हिडिओ शेअर केला आहे. या व्हिडिओमध्ये प्रीती म्हणते की 'हॅलो, मी हे स्पष्टिकरण देत आहे कारण इंटरनेटवर, गुगलवर, विकिपीडियावर सर्वत्र असं लिहिलं आहे की माझं नाव 'प्रीती झिंटा' ठेवण्यात आलं आहे, यापुर्वी माझं नाव 'प्रीतम सिंह' झिंटा' होतं.'

आज जेव्हा मी एका बातमीत वाचलं की माझे खरं नाव प्रीतम सिंग झिंटा आहे, तेव्हा मी स्वत:ला रोखू शकली नाही. मी तुम्हाला सांगते की ही फक्त एक अफवा आहे. माझं नाव 'प्रीतम सिंग झिंटा' कधीच नव्हतं. जन्मापासूनच माझं नाव प्रीती झिंटा होतं. लग्नानंतर मी प्रीती जी झिंटा झाली आहे. मी माझ्या पतीच्या नावाचं 'g' जोडलं आहे. तर माझे नाव आता प्रीती जी झिंटा आहे.

यात तिने लिहिले की, 'खरं असं आहे की आमच्या 'सोल्जर' चित्रपटाच्या सेटवर बॉबी देओल मला विनोदाने प्रीतम सिंह म्हणायचा. हा चित्रपट हिट झाला, आमची मैत्री घट्ट झाली आणि हे नाव मला इतकं चिकटलं की आताही मला सोडत नाहीये.

सध्या प्रितीचा हा व्हिडिओ सोशल मिडियावर व्हायरल होत आहे. 'दिल से' या चित्रपटातून प्रीतीने तिच्या अभिनय कारकिर्दीची सुरुवात 1998 मध्ये केली होती. त्यात शाहरुख खानही होता.आता ती चित्रपटापासून लांब आहे. ती आपली दोन मुलं आणि पतीसोबच परदेशात राहते.