सोशल मीडिया कधी कोणाला मारेल अन् मेलेल्याला जिवंत करेल याचा काही नेम नाही. या सोशल मीडियामुळे अफवांना पसरायला फार वेळ लागत नाही. आणि यामुळे कोणाच्याही निधनाच्या बातमीवर देखील लोक लगेच विश्वास ठेवतात. बॉलीवूडचे खलनायक ज्येष्ठ अभिनेते प्रेम चोप्रा (Prem Chopra) यांच्याविषयी देखील अशीच मोठी अफवा सोशल मीडियामुळे वेगात व्हायरल झाली. यानंतर त्यांना सारखे फोन आणि मेसेजेस यायला लागले. लोकांना फक्त जाणून घ्यायचं होतं की,ते जिवंत आहेत का? बॉलीवूड सेलिब्रिटीं बाबतीत तर अशा अफवा लवकर पसरतात.(Prem Chopra reacts to death rumours, says ‘Rakesh Roshan called’ him to ask if he's alive)
प्रेम चोप्रा यांनी आता समोर येऊन त्यांच्याविषयी पसरलेल्या अफवेला ब्रेक लावला आहे. एका इंग्रजी वेबसाईटला दिलेल्या मुलाखतीत ते म्हणाले आहेत की, मी ठीक आहे,मला काहीही झाले नाही. ही खूपच दुःखदायक गोष्ट आहे आणि मी काय बोलणार. कोणाला माझ्या मृत्यूच्या बातमीनं मानसिक आनंद मिळतोय कोण जाणे. पण मी ठीक आहे,तुमच्याशी बोलतोय,माझं आरोग्य उत्तम आहे.
पुढे ते म्हणाले, माहित नाही,सकाळपासून किती कॉल आले मी जिवंत आहे की नाही हे पाहण्यासाठी. राकेश रोशनने देखील मला कॉल केला. ट्रेड अॅनलिस्ट अमोद मेहराचा फोन आला. मी हैराण आहे कोणी असं का केलं असेल. असंच माझा जवळचा मित्र जितेंद्र सोबत कुणीतरी केलं होतं. हे चार महिने आधी झालं होतं. हे आता थांबायला हवं.
प्रेम चोप्रा आणि त्यांची पत्नी उमा चोप्रा यांना या वर्षाच्या सुरुवातीला म्हणजे जानेवारी महिन्यात कोरोनाची बाधा झाली होती. दोघांनाही मुंबईच्या लीलावती रुग्णालयात दाखल करण्यात आले होते.
प्रेम चोप्रा ८६ वर्षाचे आहेत. त्यांनी करिअरच्या ६० वर्षात ३८० सिनेमे केले. बहुतांशी सिनेमात त्यांनी खलनायकच साकारला. त्यांचा जन्म २३ सप्टेंबर १९३५ साली लाहोर मध्ये झाला होता. भारत-पाकिस्तान फाळणीनंतर ते भारतात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
