प्रिया-उमेशचा 'घनचक्कर' ड्रामा!

प्रिया बापट(Priya Bapat) आणि उमेश कामत(Umesh Kamat) हे दोघेही मराठी सिनेइंडस्ट्रीतले लव्हबर्ड्स म्हणून प्रसिद्ध जोडपं. आज अनेक वर्षानंतरही या दोघांची नवरा-बायको म्हणून केमिस्ट्री नेहमीच वाढताना दिसलीय. दोघेही आपापल्या कामात बिझी असतील तरी वेळ मिळाला की एकमेकांसोबत फोटो काढणं,फोटोशूट करणं,सोशल मीडियावर एकत्र व्यायाम करायचे किंवा डान्स करायचे व्हिडीओ शेअर करणं सुरू असतं. काही दिवसांपूर्वी प्रियानं उमेशसोबतचा 'जुगनू' डान्स सोशल मीडियावर शेअर केला अनं काही तासातच तो व्हायरल झाला.

प्रिया थोडी बोल्ड असली तरी उमेश मात्र थोडा बुजरा. अर्थात तो नेहमीच 'बॉय नेक्स्ट डोअर' कॅटेगरीत फीट बसणारा. नुकताच प्रियानं विद्या बालन आणि इम्रान हाश्मीच्या घनचक्कर सिनेमातलं 'लेझी लेड' गाण्यावर उमेशसोबत डान्स करीत एक धम्माल डान्स शेअर केलाय. यात दोघांनीही ट्रेडिशनल अटायर घातलेला दिसतोय. तर गाण्याच्या तालावर ठेका धरत मस्त डान्सही केलाय.

'लेझी लेड' हे गाणं खरंतर प्रत्येक बायकोने नव-यासाठी गायलंच पाहिजे असे गाणं. घनचक्कर चित्रपटाचं प्रमोशन करतानाही त्यावेळी 'लेझी हडबंड अॅन्ड क्रेझी वाईफ' असं एक प्रमोशनल कॅप्शन वापरण्यात आलं होतं. प्रिया आणि उमेशनंही डान्स करताना काहीसे असेच हावभाव केल्याचं दिसत आहे. ज्यात उमेश थोडा लेझी आणि प्रियाचा फुल क्रेझी डान्स पहायला मिळत आहे.

उमेश आणि प्रियानं अनेक सिनेमात,नाटकात,वेबसिरीजमध्ये एकत्र काम केलंय. त्यातील 'टाइमप्लीज' हा सिनेमा आणि 'आणि काय हवं?' या दोन्ही सिरीजमध्ये नवरा-बायकोची भुमिका केली आहे. यातील त्यांची केमिस्ट्री इतकी भन्नाट होती की प्रेक्षकांनी त्याला उदंड प्रतिसाद दिला.