Puneet Singh Rajput : प्रसिद्ध अभिनेता पुनीत सिंगच्या विरोधात बलात्काराचा गुन्हा दाखल, अभिनेत्रीची तक्रार

Puneet Singh Rajput Rape Case : मनोरंजन विश्वातून एक धक्कादायक बातमी समोर आली आहे. त्यात हिंदी टीव्ही मनोरंजन क्षेत्रातील प्रसिद्ध अभिनेता पुनीत सिंगवर बलात्काराचा आरोप करण्यात आल्याची माहिती सुत्रांनी दिली आहे. नुकत्याच हाती आलेल्या माहितीनुसार त्याच्यावर गुन्हाही दाखल करण्यात आल्याचे सांगण्यात येत आहे.

मुंबईच्या वनराई पोलिस ठाण्यात एका अभिनेत्रीने अभिनेत्यावर बलात्काराचे आरोप केले होते. आता त्याच्यावर पोलिसांनी गुन्हा नोंदवला आहे. पुनीतनं आपल्याला लग्नाचे आमिष दाखवून लैंगिक आणि अनैसर्गिक अत्याचार केल्याचे तरुणीने आपल्या तक्रारीत म्हटले आहे.

या प्रकरणी तरुणीने दिलेल्या तक्रारीनंतर वनराई पोलिसांनी अभिनेता पुनितसिंग राजपूत विरोधात ३७६ (२)(द), ३७७ भादवी अंतर्गत गुन्हा दाखल केला आहे. या प्रकरणी वनराई पोलिस अधिक तपास करत आहेत.