Punjabi Singer Ranjit Sidhu Death: प्रसिद्ध पंजाबी गायकाने केली आत्महत्या! रेल्वे ट्रॅकजवळ सापडला मृतदेह

Punjabi Singer Ranjit Sidhu Suicide: मनोरंजन विश्वातून एक अत्यंत धक्कादायक बातमी समोर आली आहे. प्रसिद्ध पंजाबी लोकगायक रणजीत सिद्धू यांनी आत्महत्या केल्याची घटना समोर आली आहे. यासंबधित अधिक माहिती अशी की शुक्रवारी रात्री रेल्वे रुळाजवळ एक मृतदेह आढळून आला होता. हा मृतदेह रणजीत सिद्धूचा असल्याचे पोलिसांच्या तपासात निष्पन्न झाले

या संदर्भात माहिती देताना जीआरपीचे एसआय जगविंदर सिंग आणि जीआरपी नरदेव सिंग यांनी सांगितले की, रात्री रेल्वे रुळावरून एक मृतदेह सापडला होता जो ओळख पटवण्यासाठी जीआरपी चौकीत ठेवण्यात आला होता आणि आज त्याची ओळख पटली. तो रणजीत सिद्धू यांचा आहे.

रिपोर्टनुसार, रणजीत सिंहचे नातेवाईकांसोबत बरेच भांडण होत होते. याबाबत रणजीत सिद्धूच्या पत्नी सांगितले की, पतीचे नातेवाईकांशी भांडण सुरू होते.

त्यांचे नातेवाईक त्याला त्रास देत होते. त्यांचा सतत छळ करत होते. नातेवाइकांच्या जाचाला कंटाळून रणजितने आत्महत्या केली. काही काळापूर्वी त्यांनी मुलीचे लग्न केले होते. तेव्हापासूनच त्याचे नातेवाईकांशी भांडण होत होते.

यावेळी जीआरपीचे नरदेव सिंह यांनी सांगतिले की, या अंतर्गत अनेक लोकांवर गुन्हा दाखल करण्यात आला असून शवविच्छेदनानंतर मृतदेह नातेवाईकांच्या ताब्यात देण्यात आला आहे.