नवी दिल्ली : PVR आणि INOX या दोन्ही कंपन्यांनी त्यांच्या विलीनीकरणाची घोषणा केली आहे. PVR Limited आणि INOX Leisure Limited या दोन्ही कंपन्यांच्या संचालक मंडळाने आज झालेल्या बैठकीमध्ये PVR आणि INOX च्या सर्व-स्टॉक एकत्रीकरणास मान्यता दिल्यानंतर ही विलीनीकरणाची घोषणा केली. अजय बिजली हे एकत्रित संस्थेचे व्यवस्थापकीय संचालक असतील आणि संजीव कुमार यांची कार्यकारी संचालक म्हणून नियुक्ती केली जाईल, असा निर्णयही घेण्यात आला.
INOX समुहाचे अध्यक्ष पवन कुमार जैन यांची मंडळाचे Non-Executive Chairman म्हणून नियुक्ती केली जाईल. सिद्धार्थ जैन यांची संयुक्त संस्थेमध्ये Non-Executive Non-Independent Director म्हणून नियुक्ती केली जाईल, असे दोन्ही कंपन्यांनी सांगितलं आहे. हे विलिनीकरण PVR, INOX चे शेअरहोल्डर्स, स्टॉक एक्स्चेंज, SEBI आणि अशा इतर नियामक मंजूरींच्या मान्यतेच्या अधीन राहून करण्यात आलं आहे.
PVR सध्या 73 शहरांमध्ये 181 प्रॉपर्टीजवर 871 स्क्रीन चालवते. तर दुसरीकडे INOX 72 शहरांमध्ये 160 प्रॉपर्टीजवर 675 स्क्रीन चालवते. या दोघांच्या विलीनीकरणानंतर आता 109 शहरांमधील 341 प्रॉपर्टीजमधील 1,546 स्क्रीन्ससह ही कंपनी भारतातील मल्टीप्लेक्स उद्योगातील सर्वात मोठी कंपनी बनेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
