सबस्क्राईब करा
R Madhavan Bollywood Actress share x post income tax department : साऊथचा प्रसिद्ध अभिनेता आर माधवन हा आता वेगळ्याच कारणासाठी चर्चेत आला आहे. एक्स वर त्याची व्हायरल झालेली पोस्ट नेटकऱ्यांचे लक्ष वेधून घेताना दिसत आहे. त्यानं आयकर विभागाचे कौतुक करणारी पोस्ट नेटकऱ्यांच्याही प्रतिक्रियेचा विषय आहे.
आमच्या कंपनीनं देखील वेळेवर आयकर भरला. त्यानंतर तातडीनं त्याची दखल घेऊन त्याचे रिटर्नही आम्हाला मिळाले. संबंधित विभागाची काम करण्याची पद्धत आणि वेग याचे कौतुक आहे. त्यासाठी त्यांना धन्यवाद अशा शब्दांत माधवननं त्याच्या भावना व्यक्त केल्या असून त्याच्या त्या पोस्टची चर्चा आहे.
आपल्या वेगळ्या धाटणीच्या अभिनयामुळे नेहमीच चर्चेत राहणाऱ्या आणि सोशल मीडियावर सक्रिय राहून वेगवेगळ्या विषयांवर भाष्य करणाऱ्या अभिनेत्यांमध्ये माधवनचे नाव घ्यावे लागेल. काही महिन्यांपूर्वी माधवनचा रॉकेट्री नावाचा चित्रपट प्रदर्शित झाला होता. त्याला प्रेक्षकांचा तुफान प्रतिसाद मिळाल्याचे दिसून आले होते.
आयकर विभागाचं कौतुक...
अभिनेतानं एक्सवर पोस्ट शेयर केली आहे. त्यात तो म्हणतो, आमच्या कंपनीनं जेव्हा आयकर भरला त्यानंतर तीन आठवड्यांच्या आत त्याचे रिटर्न आम्हाला मिळाले. मला या विभागाचे कौतुक आणि आश्चर्य वाटते. त्यांनी मोठ्या वेगानं हे सगळं काम केले. याबरोबरच माधवननं प्रधानमंत्री कार्यालय, वित्त मंत्री निर्मला सीतारमण, आयकर विभाग आणि वित्त मंत्रालय यांना देखील ती पोस्ट टॅग केली आहे.
नेटकऱ्यांनी केला कौतुकाचा वर्षाव...
अभिनेत्याच्या त्या पोस्टवर त्या आता कमेंटसला उधाण आले आहे.नेटकऱ्यांनी देखील त्यावर प्रतिक्रिया दिल्या आहेत. एकानं लिहिलं आहे की, सर खूपच छान वाटलं. तुम्ही या गोष्टीची दखल घेतली याचं. पंधरा मिनिटांच्या आत तुमचे रिटर्न जमा झालेले असते. इतर काही जणांनी मात्र त्यावर असहमती दर्शवली आहे. आम्हाला अजून रिटर्न मिळालेले नाहीत. असे म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
