Parineeti Chopra: राघव चढ्ढा आणि परिणीती चोप्रा करणार लग्न? पुन्हा एकदा दिसले एकत्र, पाहा फोटो

बॉलिवूड अभिनेत्री परिणीती चोप्रा आणि आदमी पार्टीचे नेते राघव चढ्ढा यांच्या लग्नाच्या बातम्या गेल्या काही दिवसांपासून सोशल मीडियावर चर्चेत आहेत. आज परिणिती चोप्रा आणि राघव चढ्ढा सकाळी मुंबईत पोहोचले, त्यांच्या लग्नाच्या बातम्यांदरम्यान प्रियांका चोप्रा संपूर्ण कुटुंबासह मुंबईत आली आहे.

परिणीती आणि राघवला पुन्हा एकदा एकत्र पाहिल्यानंतर दोघांच्या साखरपुड्याच्या बातम्याही समोर येत आहेत. मिळालेल्या माहितीनुसार, लवकरच परिणीती चोप्रा आणि आम आदमी पार्टीचे नेते राघव चढ्ढा यांचा साखरपुडा होऊ शकतो. ज्यामध्ये प्रियांका चोप्रा आणि निक जोनास देखील सामील होणार आहेत.

बॉलिवूडमधून जागतिक अभिनेत्री बनलेली प्रियांका चोप्रा आपली मुलगी मालती हिला 31 मार्च रोजी पहिल्यांदा भारतात घेऊन आली आहे. प्रियांका आणि तिचा पती निक जोनास भारतात आल्यापासून, अशी अटकळ बांधली जात आहे की ती आपल्या कुटुंबासह फक्त तिची चुलत बहीण परिणीती चोप्राच्या लग्नाला हजेरी लावण्यासाठी देशात परतली आहे. आता परिणीती चोप्रा आणि राघव चढ्ढा कधी लग्न करतात हे पाहावे लागेल.

'इशकजादे' चित्रपटातून अर्जुन कपूरसोबत बॉलिवूडमध्ये पदार्पण करणारी परिणीती चोप्रा लग्नाच्या बातम्यांदरम्यान बॉलिवूडचे प्रसिद्ध डिझायनर मनीष मल्होत्रा ​​यांच्या घराबाहेर अनेकदा स्पॉट झाली होती. त्यानंतर असे दिसते की परिणीती तिच्या लग्नाचा पोशाख मनीष मल्होत्राकडून डिझाईन करून घेत आहे.

कियारा अडवाणी आणि आलिया भट्ट यांनीही त्यांच्या लग्नात मनीष मल्होत्राने डिझाइन केलेले पोशाख परिधान केले होते. परिणीती तिच्या लग्नात साडी नेसते की लेहेंगा, हे येणाऱ्या काळातच कळेल.