Raj Thackeray: कोण लता? राज ठाकरेंनी सांगितली लता मंगेशकरांची खास आठवण

Raj Thackeray: सध्या पुण्यात १०० वं अखिल भारतीय मराठी नाट्यसंमेलन सुरु आहे. या नाट्यसंमेलनात राज ठाकरे प्रमुख पाहूणे उपस्थित होते. यावेळी अभिनेते दीपक करंजीकर यांनी राज ठाकरेंची मुलाखत घेतली.

राज ठाकरेंनी यावेळी मराठी कलाकार एकमेकांना टोपणनावाने हाक मारतात, यावरुन खडे बोल सुनावले. याच मुलाखतीत राज ठाकरेंनी लता मंगेशकरांची खास आठवण सांगितली आहे.

यावेळी लता मंगेशकरांची आठवण सांगताना राज ठाकरे म्हणाले. एकदा मला त्यांचा फोन आला. त्या म्हणाल्या मी लता बोलतेय? मी म्हटलं कोण लता? आता मला लता मंगशेकरांचा फोन आलाय हे कसं कळणार.

लतादीदी मला मुलाप्रमाणे मानायच्या. त्यांनी माझ्यावर मुलासारखं प्रेम केलं. मी लतादीदींच्या पुस्तकावर काम करतोय.

लतादीदी मला म्हणाल्या होत्या की पुर्वीच्या काळी गीतकार जे गाणं लिहायचे त्यांचं अक्षर त्यांना कळायचं नाही. त्यामुळे त्यांनी स्वतःच्या हाताने ती गाणी लिहून घेतली. या गाण्यांची एक वही त्यांच्याकडे होती. ती त्यांनी मला दाखवली. मला हा फार मोठा ऐवज वाटला. मी त्या पुस्तकाचं पहिलं डिझाईन केलं आणि त्यांना दाखवलं. त्यांनी मला कौतुकाने शाबासकीची थाप दिली.

चिंचवड येथील मोरया गोसावी क्रीडा संकुलात उभारलेल्या सूर्यमाला व्यासपीठावर शंभरावं नाट्य संमेलन पार पडत आहे. यावेळी राज ठाकरे यांची मुलाखत घेण्यात आली. यावेळी त्यांनी अनेक वेगवेगळ्या मुद्यावर भाष्य केलं. यावेळी त्यांनी मराठी कलाकारांवरही टीका केली. त्यांची बोलण्याची पद्धत आणि त्यांचे एकमेकांना बोलणे यावर तीव्र शब्दांत निशाणा साधला आहे.