Gandhi - Godse Ek Yudh: काही लोकांनी गृहीत धरलं आणि संतोषी बळी ठरले.. ए. आर. रेहमानची उघड नाराजी

Gandhi - Godse Ek Yudh: 'गांधी गोडसे एक युद्ध सिनेमा' आज २६ जानेवारीला रिलीज होतोय. हा सिनेमा सुरुवातीपासून चर्चेत आहे. महात्मा गांधी आणि नथुराम गोडसे या दोघांमधील विचारांचं युद्ध या सिनेमातून पाहायला मिळणार आहे. या सिनेमाला सुरुवातीपासून काही संघटनांकडून विरोध होतोय. सुप्रसिद्ध संगीतकार ए. आर. रेहमानने या सिनेमाला संगीत दिलंय. इतके दिवस सिनेमाविरुद्व जे वाद झाले त्याविषयी ए आर रेहमान काही म्हणाला नाही. पण आता मात्र रेहमानने मौन सोडलं आहे.

गांधी गोडसे एक युद्ध सिनेमाबद्दल सुरुवातीपासून विविध कारणांवरून वाद सुरु आहे. ए. आर. रेहमान त्याविषयी म्हणाला,"ज्यांनी सिनेमा पाहिला नाही, त्यांनी गृहीत धरले आहे.. आणि फक्त ट्रेलर पाहून सिनेमाचे फिल्ममेकर्स गांधींना डावलून नथुराम गोडसेची बाजू घेत आहेत असं म्हणत आहेत. एकूणच लोकांनी सिनेमाच्या निर्मात्यांवर विश्वास ठेवणे सोडले आहे. दुर्दैवाने... राजकुमार संतोषी या सगळ्या गोष्टींचे बळी ठरले आहेत" अशा शब्दात ए आर रेहमान यांनी त्यांची नाराजी व्यक्त केलीय.

काल २५ जानेवारीला पठाण रिलीज झालाय. तर आज म्हणजेच २६ जानेवारीला राजकुमार संतोषी दिग्दर्शित 'गांधी - गोडसे' प्रदर्शित होतोय. त्यामुळे एकूणच पठाण सोबत गांधी - गोडसे सिनेमाचा सामना रंगणार असं चित्र दिसतंय. राजकुमार संतोषी दिग्दर्शित 'गांधी गोडसे एक युद्ध' सिनेमात चिन्मय मांडलेकर नथुराम गोडसेंची भूमिका साकारतोय. नथुराम गोडसे महात्मा गांधींवर गोळ्या झाडतो पण गांधी त्यातून वाचतात, पुढे गांधींना नथुरामला भेटण्याची इच्छा असते, अशी या सिनेमाची भन्नाट कल्पना आहे.

रिलीजआधीच सिनेमाची चर्चा आहे. परंतु पठाण या बिग बजेट सिनेमासमोर गांधी - गोडसे सिनेमा टिकणार कि सपशेल आपटणार याकडे सर्वांचं लक्ष आहे. सिनेमा आधीपासून वादाच्या भोवऱ्यात सापडला आहे. काही दिवसांपूर्वी धमकीचे फोन आल्याने राजकुमार संतोषी यांनी पोलीस संरक्षण मागितलं होतं