Raju Srivastava Son:बापाचं छत्र हरपलं पण मुलानं करुन दाखवलं;राजू श्रीवास्तवच्या मुलाचा गिनीज वर्ल्ड रेकॉर्ड

Raju Srivastava Son: प्रसिद्ध विनोदवीर राजू श्रीवास्तव आज या जगात नसले तरी त्यांच्या कलेच्या रुपानं ते कायम आपल्यात असणार आहेत. त्यांच्या पश्चात त्यांच्या कुटुंबात त्यांची पत्नी,मुलगा आणि मुलगी असा परिवार आहे. राजू श्रीवास्तव यांच्या मुलाचे नाव आयुष्मान श्रीवास्तव आहे. जो सितारवादक आहे. लंडन येथे शिकणारा आयुष्मान आपल्या वडीलांप्रमाणेच खूप हुशार आहे. चला जाणून घेऊया राजू श्रीवास्तव यांचा मुलगा आयुष्मान संदर्भात काही खास गोष्टी.

वडीलांप्रमाणे आयुष्माननं कॉमेडीत करिअर करणं पसंत केलं नाही. पण त्याच्यात एक असं टॅलेंट आहे ज्यामुळे त्याची सध्या जोरदार चर्चा रंगली आहे.अलिकडेच राजू श्रीावास्तव यांचा मुलगा आयुष्मान आपल्यातील कलागुणांच्या जोरावर सा रे गा मा पा लिटिल चॅम्प्स सीझन ९ मध्ये दिसला.

हो हे खरं आहे की आयुष्मान श्रीवास्तव एक प्रोफेशनल सितार वादक आहे. तो म्युझिक इंडस्ट्रीत आपल्यातील या टॅलेंटमुळे चांगला ओळखला जातो. सा रे गा मा पा मध्ये जाऊन आयुष्मान श्रीवास्तवनं एक दर्जेदार परफॉर्मन्स दिला. त्या मंचावर त्याच्यातील या टॅलेंटचं खूप कौतूक झालं. त्याला पाहून लोकही म्हणू लागले की आपल्या वडीलंप्रमाणेच हा नाव कमावणार.

हेही वाचा: ....इथं तयार होतो आपला लाडका तिरंगा

आयुष्माननं मुंबईमध्ये आपलं शालेय शिक्षण घेतलं आहे. त्यानंतर तो बीएससी ची ड्रिग्री घ्यायला लंडनमध्ये रवाना झाला. तिथेच त्यानं आपलं बॅचलर ऑफ सायन्समध्ये शिक्षण पूर्ण केलं.

आयुष्मान श्रीवास्तवच्या नावाची गिनीज वर्ल्ड रेकॉर्डमध्ये नोंद झाली आहे. अॅमेझॉन प्राइमची वेब सीरिज 'द फॉरगॉटन आर्मी' साठी एक लाइव्ह ट्रॅक गायलं गेलं होतं. ज्यात तब्बल १०४६ संगीतकारांनी सहभाग घेतला होता. या लाइव्ह परफॉर्मन्सनं गिनीज वर्ल्ड रेकॉर्ड केला होता.

जून २०२२ मध्ये राजू श्रीवास्तव यांचा मुलगा आयुष्मानचा महाराष्ट्राचे राज्यपाल भगत सिंग कोश्यारी यांनी राज भवनात सुंदर परफॉर्मन्स दिल्यामुळे सम्मान केला होता.

आयुष्मान श्रीवास्तव फुटबॉल खेळाचा चाहता आहे. लहानपणापासून त्याला जर्सी कलेक्शनचा छंड जडला आहे. त्याच्या इन्स्टाग्रामवर फुटबॉलशी जोडलेल्या अनेक पोस्ट पहायला मिळतील.