बिग बॉस मराठी ४ मध्ये राखी सावंत सहभागी झाली होती. अभिनेत्री आणि मॉडेल राखी सावंत सध्या तिच्या वैयक्तिक आयुष्यामुळे चर्चेत आहे. एकीकडे तिच्या आईची प्रकृती गंभीर आहे. तर दुसरीकडे तिने तिचा प्रियकर आदिलसोबतच्या लग्नाचा खुलासा केला आहे. तेव्हापासून राखी आणि आदिल सतत चर्चेत आहेत.
व्हिडीओ आणि फोटो शेअर करून राखीने आदिलसोबत लग्न केल्याचा पुरावाही सादर केला. मात्र आदिलने याबद्दल काही बोलणं टाळलं. त्यामुळे तो या लग्नापासून खुश नसल्याचं बोललं जात होतं. आता त्यातच आदिलने शेवटी त्याचं मौन सोडलं. आदिलने नुकतीच सोशल मीडियावर पोस्ट करून राखी सोबत झालेल्या लग्नाचा स्वीकार केलाय. 'लव्ह यु पप्पूडी' असं म्हणत आदिलने लग्नाचे फोटो सोशल मीडियावर पोस्ट केले आहेत.
आदिलने सोशल मीडियावर लग्नाचा फोटो पोस्ट करत म्हणाला, "मी शेवटी एक घोषणा केली, मी राखीशी लग्न केले नाही असे कधीच म्हटले नाही. फक्त काही गोष्टी शांतपणे हाताळायच्या होत्या. पप्पूडी, हॅप्पी मॅरीड लाईफ" अशी पोस्ट करत आदिलने राखीबद्दल प्रेम दर्शवलं आहे.
आता आदिलने पत्नी म्हणून राखीचा स्वीकार केल्याने राखी सुद्धा खुश झाली आहे. तिने कमेंट 'धन्यवाद जानू! खूप प्रेम' अशी कमेंट करून मनातल्या भावना व्यक्त केल्या आहेत. राखीच्या फॅन्सनी हि खुशखबर ऐकताच तिच्यावर अभिनंदनाचा वर्षाव केलाय.
याआधी राखीने सांगितले की, तीन महिने डेट केल्यानंतर तिने मागच्या वर्षी आदिलशी लग्न केले. मात्र आदिलने याला नकार देत आपले लग्न खोटे असल्याचे सांगितल. आदिलने आपले लग्न झाल्याचे स्पष्ट केलं तरीही त्याच्या कुटुंबीयांनी अद्याप तिला पत्नी म्हणून स्वीकारलेले नाही. दुसरीकडे, रडत रडत राखीची वाईट अवस्था झाली आहे. त्याचा व्हिडिओ सुद्धा सोशल मीडियावर व्हायरल झालेला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
