Rakhi Sawant: 'मला 3 महिने आधीच कॉल आला होता की..',राखी-आदिल केसवर तिच्या पूर्वाश्रमीच्या पतीचा गौप्यस्फोट

Rakhi Sawant: राखी सावंत आणि आदिल खान दुर्रानी मध्ये सुरु असलेल्या वादा दरम्यान आता तिचा पूर्वाश्रमीचा पती रितेशची रिअॅक्शन समोर आली आहे. इन्स्टा लाइव्ह करत रितेशनं सांगितलं आहे की राखीनं यासंदर्भात त्याला फोन करुन ३ महिने आधीच सांगितलं होतं.

रितेश म्हणाला,''राखी त्याच्यासोबत कशीही वागली असेल तरी तो याबाबतीत राखीसोबत आहे. तो म्हणाला की,सत्य काय आहे हे राखीच्या डोळ्यात आपण पाहू शकतो. खरंतर हा त्या मुलींसाठी धडा आहे ज्या लव्ह जिहादच्या चक्रव्यूहात फसतात. राखी आता घाबरलेली आहे..ती खरं काय ते सांगू नाही शकत आहे. या प्रकरणात खूप सारे लोक सामिल आहेत. हा संपूर्णतः एक सांप्रदायिक मुद्दा आहे''.

राखी सावंतच्या वैवाहिक आयुष्यात पुन्हा एकदा वादळ आलं आहे. तिचं आणि आदिल मधील भांडण पोलिस स्टेशनपर्यंत पोहोचलं आहे. आता या प्रकरणा संदर्भात तिचा पूर्वाश्रमीचा पती रितेशनं इन्स्टा लाइव्ह करत काही खुलासे केले आहेत.

रितेश म्हणाला की,''सत्य काय आहे ते राखीच्या डोळ्यात पाहिलं जाऊ शकतं. तिनं मला यासंदर्भात सगळं सांगितलं होतं. राखी खोटं बोलत नाही. आदिलनं इतकी घाणेरडी कृत्य राखीसोबत केली आहेत की ते मी इथे सांगूही शकत नाही. राखी स्वतः सांगेल तेच योग्य राहील''.

रितेश म्हणाला,''जेव्हा मन तुटतं तेव्हा काय दुःख होतं हे तुला आता कळत असेल राखी. मी तुझ्या सोबत आहे. मी देखील दोनदा प्रेम केलं आणि दोन्ही वेळेला माझ्या वाट्याला धोकाच आला. राखी मी,तुझा भाऊ आम्ही सगळे तुझ्यासोबत आहोत. हा त्या मुलींसाठी चांगला धडा आहे ज्या लव्ह जिहादच्या चक्रव्यूहात फसतात. मी नेहमीच तुझ्या बाजूने उभा राहीन''.

आदिल खान आधी राखीनं रितेश सोबत लग्न केलं होतं. पण त्यांचे लग्न फार काळ टिकले नाही. राखीला जेव्हा कळालं की रितेशचं लग्न झालंय, त्याला एक मुलगा आहे तेव्हा ती त्याच्यापासून विभक्त झाली.

राखीचं म्हणणं होतं की की रितेशनं तिच्यापासून त्याचं पहिलं लग्न लपवलं होतं. राखीचं रितेशसोबतही मोठं भांडण झालं होतं.