Ranbir Kapoor News: रणबीर कपूर हा बॉलिवूडमधील प्रसिद्ध अभिनेता. रणबीर कपूरच्या अ‍ॅनिमल सिनेमाची सर्वांना उत्सुकता आहे. रणबीर कपूर सध्या वेगळ्याच कारणामुळे प्रसिद्धीझोतात आलाय.
रणबीर कपूरला अलीकडेच महादेव अ‍ॅप घोटाळ्याप्रकरणी ED ने समन्स बजावलंय. ही घटना घडल्यावर रणबीर पहिल्यांदाच स्पॉट झाला. त्यावेळी पापाराझींनी त्याला घेरले असता रणबीर त्यांच्यावर रागावलेला दिसला. हा व्हिडीओ सध्या चांगलाच व्हायरल झालाय.
(ranbir kapoor angry on paparazzi amid ed summons)
आतमध्ये नका येऊ!! रणबीर पापाराझींवर भडकला
दरम्यान, रणबीर कपूरचा एक व्हिडिओ समोर आला आहे, जो व्हायरल होत आहे. या व्हिडिओमध्ये रणबीर मुंबईतील एका क्लिनिकमध्ये जाताना दिसत आहे. रणबीरने गुलाबी रंगाचं अ‍ॅनिमल लिहीलेलं टीशर्ट परिधान केलंय.
तो गाडीतून उतरतो तेवढ्यात पापाराझी त्याला नावाने हाक मारतात तेव्हा रणबीर कपूर त्यांच्याकडे पूर्णपणे दुर्लक्ष करतो. रणबीर कपूर काहीसा वैतागून पापाराझीला "आत येऊ नकोस" असं सांगतो आणि मग तो निघून जातो.
रणबीरच्या वाईट वागणुकीवर लोकांनी केली टीका
रणबीरचा हा व्हिडिओ सोशल मीडियावर चांगलाच व्हायरल होत आहे. या व्हिडीओवर कमेंट्सचा वर्षाव झालाय.
रणबीरच्या आखडू आणि रागीट वागण्यावर लोकांनी नाराजी दर्शवली आहे. अनेकांनी ED ने समन्स बजावल्याने रणबीर बिथरला असल्याचं म्हटलंय. तर अनेक यूजर्सने रणबीरच्या वागण्याला समर्थना देताना दिसले.
रणबीर कपूरला ईडीची नोटीस
महादेव अ‍ॅप घोटाळा प्रकरणाची चौकशी करण्यासाठी रणबीर कपूरला दोन दिवसांपूर्वी ईडीकडून समन्स आले आहे. रणबीर या गेमिंग अॅपचं प्रमोशन करत होता. या अॅपच्या माध्यमातून रणबीर कपूरने मोठी रक्कम कमावली असल्याचं सूत्रांचं म्हणणं आहे. त्यामुळे रणबीरला ED ने समन्स बजावलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
