करिश्मा-करिनाने वडिलांना घेतलंय दत्तक? रणधीर कपूर हे काय म्हणतायत...

ज्येष्ठ अभिनेते रणधीर कपूर यांच्या ७५ वाढदिवसानिमित्तानं त्यांच्या आयुष्यातील काही खास आठवणींनाआपण आजा उजाळा देऊया. त्यांच्या एका जुन्या मुलाखतीतल्याच काही आठवणींविषयी आज आपण जाणून घेऊया. आपल्या मुलींसाठी त्यांच्या मनात विशेष प्रेम आणि जिव्हाळा आहे. करिना-करिश्मा कपूर विषयी प्रश्न विचारताच त्यांनी विनोदात म्हटलं होतं,''माझ्या मुली माझ्यापेक्षा श्रीमंत आहेत त्यामुळे त्यांनी मला दत्तक घेतलं आहे''. या मुलाखतीत त्यांनी करिना-करिष्मा कपूर या आपल्या मुलींविषयी मनमोकळा संवाद साधला होता.

रणधीर कपूर म्हणजे बॉलीवूडचे प्रसिद्ध निर्माते-दिग्दर्शक राज कपूर यांचे मोठे चिरंजीव. रणधीर कपूर यांनी अगदी लहान वयात सिनेमात बालकलाकार म्हणून काम करायला सुरुवात केली. तारुण्यात पदार्पण केल्यानंतर त्यांनी पहिला सिनेमा केला तो १९७१ मध्ये. त्या सिनेमाचं नाव होतं 'कल,आज और कल'. अर्थात त्यांनी आपले काही सिनेमे हे आपले आजोबा पृथ्वीराज कपूर आणि वडिल राज कपूर याच्या दिग्दर्शनाखाली केलेले आहेत. काही वर्षांपूर्वी पर्यंत देखील ते सिनेमात सक्रिय होते. त्यांनी अक्षय कुमार सोबत 'हाऊसफुल' आणि 'हाऊसफुल २' या सिनेमांत काम केले आहे. एका इंग्रजी वृत्तपत्राला दिलेल्या मुलाखतीत त्यांनी म्हटलं होतं,''माझ्या सिनेकरिअर मध्ये यशस्वी इनिंग मी खेळलो आहे. कितीतरी चौकार,षटकारही लगावले आहेत. तसं मी निवृत्त पूर्णपणे झालोय असं अजिबात म्हणणार नाही''.

मी आजही मला एखाद्या सिनेमाचं कथानक आवडलं तर काम नक्कीच करेन. किंबहुना मी करतो. माझ्या मुली आता त्यांच्या आयुष्यात सेटल्ड आहेत. खरंतर,माझ्या दोन्ही मुली माझ्यापेक्षा श्रीमंत आहेत. मी तर मजेमजेत त्यांना नेहमी सांगत असतो,''मला दोघींनी दत्तक घ्या .मी पण मग श्रीमंत होईन''. करिना-करिश्मा या बॉलीवूडमधल्या दोन प्रसिद्ध अभिनेत्री आहेत. करिनाला आपण 'अंग्रेजी मीडियम' या सिनेमात पाहिलं होतं,त्यानंतर तिचा आमिर खानसोबतचा 'लालसिंग चड्ढा' हा सिनेमा १४ एप्रिलला प्रदर्शित होत आहे. तर करिश्माही ओटीटी प्लॅटफॉर्मवर सक्रिय झाली आहे. तिची 'मेन्टलवूड' ही वेबसिरीज मागे प्रदर्शित झाली होती.