Aaradhya birthday : 'मी तुझ्यासाठी श्वास घेते', आराध्याच्या वाढदिवसानिमित्त ऐश्वर्या आणि अभिषेकने आठवणींना उजाळा

Aaradhya birthday : अभिनेत्री ऐश्वर्या राय आणि अभिनेता अभिषेक बच्चन यांची मुलगी आराध्याचा नुकताच १२वा वाढदिवस साजरा करण्यात आला. आराध्याच्या वाढदिवसाच्या निमित्ताने ऐश्वर्या आणि अभिषेकने त्याच्या इंस्टाग्राम अकाउंटवरून आराध्याचे जुने फोटो पोस्ट केले आहेत.

ऐश्वर्याने आराध्य जेव्हा एका वर्षाची झाली तेव्हाचा फोटो शेअर करत ‘आराध्या मी तुझ्यावर खूप प्रेम करते. माझे तुला खूप आशीर्वाद आहेत. मी तुझ्यासाठी श्वास घेते. १२ व्या वाढदिवसाच्या निमित्ताने तुला खूप शुभेच्छा’ अशी कॅप्शन फोटोला दिली. तसेच आराध्या सोबतच सेल्फीदेखील ऐश्वर्याने शेअर केला आहे.

अभिषेकनेही त्याच्या इंस्टाग्राम अकाउंटवरून आराध्या सोबतचा एक फोटो शेअर केला आहे. ज्यामध्ये आराध्या सफेद रंगाचे फ्रॉक घालून अभिषेककडे पाहत त्याच्या मांडीवर बसली आहे. या फोटोवर अभिषेकने ‘माझ्या छोट्या राजकुमारीला वाढदिवसाच्या खूप शुभेच्छा’ अशी कॅप्शन दिली आहे. ऐश्वर्या आणि अभिषेकने आराध्याच्या वाढदिवसानिमित्त शेअर केलेल्या पोस्टवर चाहत्यांनी आणि चित्रपटसृष्टीतील अनेक कलाकारांनी भरभरून शुभेच्छांचा वर्षाव केला आहे