सबस्क्राईब करा
Anant Amban And Radhika Merchant: अनंत अंबानी (Anant Ambani) आणि राधिका मर्चंट (Radhika Merchant) यांच्या प्री-वेंडिंग फंक्शन्सला विविध कलाकारांनी हजेरी लावली. या दोघांच्या प्री-वेडिंग फंक्शनला अभिनेता रितेश देशमुख (Riteish Deshmukh) आणि अभिनेत्री जिनिलिया देशमुख (Genelia Deshmukh) यांनी देखील हजेरी लावली. रितेशनं नुकतीच अनंत आणि राधिका यांच्यासाठी एक खास पोस्ट सोशल मीडियावर शेअर केली आहे. रितेशच्या या पोस्टनं अनेकांचे लक्ष वेधले.
रितेशनं सोशल मीडियावर अनंत आणि राधिका यांचे फोटो शेअर केले आहेत. तसेच रितेशनं एक व्हिडीओ देखील शेअर केला आहे. ज्यामध्ये जिनिलिया आणि रितेश हे अनंतसोबत गप्पा मारताना दिसत आहेत. या पोस्टला रितेशनं कॅप्शन दिलं, "प्रेम आणि आनंदाच्या रंगांनी रंगवलेल्या एका जोडप्याला प्रेमाच्या नात्यात खोलवर गुंफलेले आम्ही पाहिले. फटाक्यांच्या प्रवाश सर्वत्र होता, त्यांच्या अंतःकरणातील प्रेम आणि जल्लोष दिसत होते. प्रिय राधिका,तुझे स्मित हास्य हे सर्वांना मोहित करते. तुझा प्रत्येक दिवस आनंदी आणि तुझ्या स्मितहास्यासारखा तेजस्वी असो."
"प्रिय अनंत, तुझे हृदय समुद्रासारखे विशाल आहे.तुझे वंताराचे स्वप्न केवळ प्रेरणादायी नाही तर वन्यजीवांबद्दलच्या तुझ्या अतुलनीय समर्पणाचा दाखला आहे. तू तुझ्या आई-वडील,भावंड आणि विशेषत:राधिकाबद्दल ज्या प्रकारे बोलला ते आमच्या हृदयाला भिडले. तुम्ही दोघांनी सुरू केलेल्या या सुंदर प्रवासाबद्दल तुमचे अभिनंदन! तुमचे दिवस चिरंतन आनंदाने भरलेले असावेत.", असंही रितेशनं कॅप्शन दिलं.
रितेशनं शेअर केलेल्या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.
दीपिका पदुकोण, रणवीर सिंग, जान्हवी कपूर,सारा अली खान, शाहरुख खान, सलमान खान आणि आमिर खान यांनी अनंत आणि राधिका यांच्या प्री-वेडिंग फंक्शनला हजेरी लावली.अनंत अंबानी आणि राधिका यांच्या प्री-वेडिंग फंक्शनमध्ये गायिका रिहाना आणि रॉकस्टार दिलजीत दोसांझ यांनी परफॉर्म केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
