सबस्क्राईब करा
Ram Charan - CM Shinde News: दाक्षिणात्य सुपरस्टार राम चरण सोशल मीडियावर सक्रीय असतो. राम चरण सध्या मुंबईला आलाय. रामची पत्नी सुद्धा यावेळी त्याच्यासोबत आहे.
राम मुंबईत आल्यावर महालक्ष्मी मंदिरात देवीच्या दर्शनाला गेला होता. आता रामने सपत्नीक मुख्यमंत्री शिंदेंची भेट घेतलीय. मुख्यमंत्री शिंदेंच्या सोशल मीडिया अकाऊंटने हे फोटो शेअर केले.
मुख्यमंत्री एकनाथ शिंदेच्या सोशल मीडिया अकाऊंटने सांगितलं की, "दाक्षिणात्य चित्रपटसृष्टीतील सुप्रसिध्द अभिनेता राम चरण तेजा आणि त्यांची पत्नी उपासना यांनी आज सदिच्छा भेट घेतली.
यावेळी त्यांचे पुष्पगुच्छ आणि श्री गणेशाची मूर्ती देऊन स्वागत केले. तसेच यावेळी या दोघांसमवेत चित्रपट क्षेत्रासह विविध विषयांवर सकारात्मक संवाद साधला.
यावेळी खासदार डॉ.श्रीकांत शिंदे आणि स्नुषा सौ.वृषाली श्रीकांत शिंदे याही उपस्थित होत्या."
एका चाहत्याने काही दिवसांपुर्वी X वर शेअर केलेल्या व्हिडिओमध्ये राम मुंबईत स्पॉट झालेला दिसला. पांढरा शर्ट परिधान करुन राम अनवाणी पायाने मंदिरातून बाहेर पडताना दिसला. त्याच्यासोबत उपासना आणि त्यांचे बाळ सुद्धा होती.
राम प्रचंड धार्मिक असून तो कुटुंबाला घेऊन देवदर्शनाला आलाय, असं समजतंय.
राम चरण मुंबईतील सिद्धीविनायक मंदिरात दर्शनाला
ऑक्टोबर महिन्यात राम चरण मुंबईतील सिद्धिविनायकाचे दर्शन घेताना दिसला. त्याला पाहण्यासाठी मंदिराबाहेर त्याच्या चाहत्यांनी गर्दी केली होती. राम चरणने त्यावेळी 41 दिवसांची अयप्पा दीक्षा घेतली होती. राम चरण मुंबईत आला तेव्हा त्या दीक्षेची सांगता झाली. सोशल मीडियावर राम चरणचे बरेच व्हिडिओ आणि फोटो व्हायरल झाले होते. त्याला भेटण्यासाठी चाहत्यांनी तुफान गर्दी केली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
