एस.एस. राजामौली यांच्या 'RRR' सिनेमानं प्रदर्शनाआधीच आपली हवा करुन ठेवली होती. सिनेमाचं कथानक,कलाकार,भलंमोठं बजेट आणि सगळ्यातं मोठं सिनेमाचं अॅसेट म्हणाल तर दिग्दर्शक एस.एस.राजामौली. ऐतिहासिक कथानकाला एस.एस.राजामौली यांनी दिलेला टच आता काम करताना दिसत आहे. सिनेमानं पहिल्याच दिवशी भल्या-भल्या सिनेमांची विकेट काढतं जगभरात ५०० करोडच्या पुढं बॉक्सऑफिस कलेक्शन केलंय. सिनेइंडस्ट्रीतील साऱ्यांनीच सिनेमाचं तोंडभरून कौतूक केलं आहे. केवळ दाक्षिणात्य भाषांमध्ये नाही तर इतर भाषांमध्येही सिनेमानं लोकांच्या फेव्हरेट लिस्टमध्ये स्थान मिळवलंय. आता सिनेमागृहात धूमधडाका करणारा हा सिनेमा लवकरच ओटीटीवर प्रदर्शित होणार आहे.
S.S.Rajamouli दिग्दर्शित RRR सिनेमा Netflix वर हिंदी भाषेत तर Zee5 या ओटीटी प्लॅटफॉर्मवर प्रादेशिक भाषांमध्ये प्रदर्शित होणार आहे. आधी ठरल्याप्रमाणे RRR सिनेमाचं ओटीटी वरील हिंदी व्हर्जन सिनेमाच्या प्रदर्शनानंतर तीन महिन्यांनी म्हणजे साधारण २५ जूनच्या दरम्यान प्रेक्षकांच्या भेटीस येईल असं म्हटलं जात आहे. पण इतर दाक्षिणात्य भाषेत मात्र हा सिनेमा ओटीटीवर प्रदर्शनानंतर दोन महिन्यात दाखवला जाईल अशी बातमी आहे. म्हणजे साधारण २५ मे च्या आसपास हा प्रेक्षकांच्या भेटीस येईल.
या सिनेमाचे ओटीटी राइट्स मिळवण्यासाठी भरपूर पैसा खर्ची घातला आहे. फिल्ममेकर्सला सिनेमा साधारण दोन महिने तरी सिनेमागृहात चालवायचा आहे. सिनेमाच्या ओटीटी रीलीजसाठी काही खास प्लॅन आखले गेले आहेत. पण अद्यापही ठोस तारीख RRR सिनेमाच्या ओटीटी रीलीजसाठी सांगण्यात येत नाही,केवळ अंदाज दर्शवले जात आहेत. सध्या RRR बॉक्सऑफिसवर धुमाकूळ घालतोच आहे तेव्हा तो आपण सिनेमागृहात एन्जॉय करुच शकत आहोत. त्यामुळे सध्या तरी प्रेक्षक ओटीटी रीलीजची वाट पाहत असले,तरी तारीख जाहिर होत नाही याची खंत व्यक्त करताना दिसत नाही आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
