Saba Azad Video: "काय गं बरी आहेस ना?" फॅशन शोला गाणं आणि डान्स केल्याने हृतिकची गर्लफ्रेंड ट्रोल

Saba Azad Video News: हृतिक रोशनची गर्लफ्रेंड सबा आझाद सध्या चांगलीच चर्चेत आहे. सबा अनेकदा हृतिकसोबत हॉटेलमध्ये, इव्हेंट आणि पार्ट्यांना एकत्र दिसते. पण सबा सध्या चांगलीच ट्रोल झालेली दिसतेय.

हृतिकची गर्लफ्रेंड सबाने अलीकडेच लॅकमे फॅशन शोमध्ये हजेरी लावली होती. त्यानेळी सबाने केलेला डान्स आणि गाण्यामुळे ती चांगलीच ट्रोल झालीय.

सबाचा लॅकमे फॅशन शोमधला व्हिडीओ व्हायरल

सबाने लॅकमे फॅशन शोमध्ये हजेरी लावली. यावेळी रॅम्पवर डान्स केल्यामुळे तिला ट्रोल केले जात आहे. सबाचा एक व्हिडिओ सोशल मीडियावर व्हायरल होत आहे. ज्यावर लोकं खूप कमेंट करत आहेत.

सबा आझादने नुकतेच रॅम्प वॉक केले होते. जिथे ती चालण्याऐवजी नाचताना आणि गाताना दिसते. या कार्यक्रमात सबाने चमकदार पोशाख परिधान केला होता. व्हिडिओमध्ये सबाला पाहून असे दिसते की, ती या क्षणाचा पुरेपूर आनंद घेत आहे. हा व्हिडिओ सोशल मीडियावर येताच तो व्हायरल होऊ लागला. परंतु सबाला मात्र लोकांनी ट्रोल केलंय

सबाला नेटकऱ्यांनी केलं ट्रोल

सबा आझादचा हा व्हिडीओ चांगलाच व्हायरल झालाय. या व्हिडीओत सबा फॅशन शोमध्ये रँपवॉक करायचा सोडून डान्स आणि गायला लागते. फॅशन शोला उपस्थित असलेले लोकं सुद्धा तिच्याकडे आश्चर्याने पाहत असतात.

या व्हिडीओवर सध्या लोकांनी कमेंट केल्या आहेत. एका यूजरने लिहिले -हिच्या अंगात आलंय का? तर दुसर्‍याने लिहिलं- ही नेमकी करतेय काय? याशिवाय एकाने लिहिले- ती काय करत आहे? मला वाटते की ती नशेत डान्स करतेय. काही लोकांनी मात्र सबाच्या बिनधास्त वागण्याचं कौतुक केलंय.